ՍՏԵՓԱՆԱԿԵՐՏ․- Մարտ 17-ին, Հ․Հ․ Ազգային Ժողովի «Հայաստան» խմբակցութեան պատգամաւորներ՝ Արթուր Խաչատրեան, Գեղամ Մանուկեան, Քրիտինէ Վարդանեան եւ Ելենա Կիրակոսեան, Հ․Յ․Դ․ Արցախի Կեդրոնական Կոմիտէի ներկայացուցիչ, Արցախի Ազգային Ժողովի «Հայ Յեղափոխական Դաշնակցութիւն» խմբակցութեան ղեկավար Արթուր Մոսիյեանի եւ Արցախի Ազգային Ժողովի արտաքին յարաբերութիւնների յանձնաժողովի նախագահ Վահրամ Բալայեանի ուղեկցութեամբ այցելեցին Ասկերանի շրջանի սահմանամերձ Խրամորթ եւ Խնապատ համայնքները:
Ճանապարհին պատգամաւորներուն միացաւ Ասկերանի վարչակազմի ղեկավար՝ Համլեթ Ասրեան: Պատգամաւորները Խրամորթ եւ Խնապատ համայնքներու ղեկավարներուն հետ խօսեցան առկայ խնդիրներու մասին, տեսակցեցան գիւղացիներու հետ, իրենց զօրակցութիւնը յայտնեցին:
