«Հայաստան» Խմբակցութեան Յայտարարութիւնը

0 0
Read Time:58 Second

 

 

Սեպտեմբեր  13-ին ատրպէյճանական զինեալ ուժերի ստորաբաժանումները` հրետանային միջոցներով, խոշոր տրամաչափի զինատեսակներով լայնածաւալ յարձակման են անցել Սիւնիքի, Վայոց Ձորի, Գեղարքունիքի հայկական դիրքերի եւ բնակավայրերի ուղղութեամբ: Թշնամին կիրառում է նաեւ անօդաչու թռչող սարքեր: Թիրախաւորուել են բնակավայրեր եւ ռազմական կառոյցներ:

Սա Ատրպէյճանի հերթական ռազմական յանցագործութիւնն է, որին նախորդել էին տեղեկատուական ներթափանցման գործողութիւններ:

Ատրպէյճանի գործողութիւնները գնահատում ենք որպէս միջազգային իրաւունքի կոպտագոյն խախտում եւ դատապարտում ենք իրականացուող յանցագործութիւնը:

Ատրպէյճանը, օգտուելով միջազգային լարուած իրավիճակից, փորձում է ուժի կիրառմամբ ոտնձգութիւն իրականացնել Հայաստանի ինքնիշխան տարածքի նկատմամբ:

Տեղի ունեցող իրադարձութիւնները բացայայտում են, այսպէս կոչուած, խաղաղութեան դարաշրջանի իրական դէմքը եւ հայ ժողովրդին մատուցուող կեղծ օրակարգի վտանգաւորութիւնը:

Ակնկալում ենք մեր ռազմավարական դաշնակից Ռուսաստանի Դաշնութիւնից` հայ-ռուսական ռազմաքաղաքական պայմանագրերով նախատեսուած գործողութիւնների իրականացում:

Կոչ ենք անում միջազգային հանրութեանը` ՄԱԿ-ին, ԵԱՀԿ-ին, ՀԱՊԿ-ին, Ղարաբաղեան հակամարտութեան բանակցային գործընթացում ներգրաւուած համանախագահող պետութիւններին` Ռուսաստանի Դաշնութեանը, Ֆրանսային, Ամերիկայի Միացեալ Նահանգներին, անյապաղ միջոցներ ձեռնարկել Ատրպէյճանի յանցաւոր գործողութիւնները կանխելու եւ դրանց համարժէք գնահատական տալու համար:

Ակնկալում ենք նաեւ մեր բարեկամ երկրների, յատկապես Իրանի Իսլամական Հանրապետութեան աշխուժ ներգրաւուածութիւնը` Ատրպէյճանական յանցաւոր վարքագծին գնահատական տալու եւ Ատրպէյճանի նախայարձակումը զսպելու համար:

Զօրակցելով Հայաստանի զինուած ուժերին` մեր ժողովրդին կոչ ենք անում խուճապի չմատնուել, պահպանել զգօնութիւնը, պատրաստ լինել պաշտպանելու Հայոց պետականութիւնը:

13 Սեպտեմբեր 2022

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles