Հայաստանի Հ.Յ.Դ. Գերագոյն Մարմինի Ներկայացուցիչ Աղուան Վարդանեանի Հանդիպումները Ուրուկուայի Մէջ

0 0
Read Time:1 Minute, 37 Second

Uru-Armenia_0009

ՄՈՆԹԵՎԻՏԷՕ.- Նախաձեռնութեամբ Ուրուկուայի Հայ Դատի յանձնախումբին,Հ.Յ.Դ. Հայաստանի Գերագոյն մարմինի ներկայացուցիչ եւ Հ.Հ. Ազգային ժողովի Հ.Յ.Դ. խմբակցութեան քարտուղար Աղուան Վարդանեան ժամանեց Մոնթեվիտէօ եւ կարեւոր տեսակցութիւններ ունեցաւ երկրի քաղաքական ոլորտի ներկայացուցիչներուն հետ:
Աղուան Վարդանեանի այս կարեւոր հանդիպումները անգամ մը եւս եկան հաստատելու, որ Ուրուկուայը, թէ՛ պետական եւ թէ օրէնսդրական մակարդակներով, հաւատարիմ կը մնայ իր սկզբունքներուն, որոնք կը վերաբերին Հայաստանի եւ ի մասնաւորի Արցախի հարցին:
Աղուան Վարդանեանի առաջին հանդիպումը կայացաւ Արտաքին Գործոց նախարարութեան քաղաքական հարցերու ընդհանուր տնօրէն Մարթին Վիտալի հետ: Այս տեսակցութեան ընթացքին Աղուան Վարդանեան ողջունեց Ուրուկուայի ազնիւ կեցուածքը Հայաստանի եւ յատկապէս՝ Արցախի հարցով, յոյս յայտնելով, որ Հայաստան-Ուրուկուայ ջերմ յարաբերութիւնները աւելի խորանան եւ հասնին բարձրագոյն մակարդակի:Uru-Armenia_0042
Վիտալ, իր կարգին ողջունելով Աղուան Վարդանեանի այցելութիւնը՝ անգամ մը եւս հաստատած է, թէ Հայաստան-Ուրուկուայ երկկողմանի կապերը ոչ միայն կը գտնուին ամենաբարձր մակարդակի վրայ, այլեւ անոնք աւանդական են եւ կու գան տարիներու հեռաւորութենէն: Արցախի հարցով, Վիտալ անգամ մը եւս վստահեցուց, թէ Ուրուկուայի կառավարութեան դիրքորոշումը շատ յստակ է:
«Մենք որդեգրած ենք սկզբունքային դիրք, որուն հիմքը մարդկային իրաւունքներու, արդարութեան, մարդկային հիմնարար արժէքներու եւ ժողովուրդներու ինքնորոշման հարցերն են, ու այս կապակցութեամբ, մեր այս դիրքէն ոչ մէկ ետքայլ պիտի կատարենք, այլ՝ միայն դէպի առջեւ քայլեր», ըսաւ Վիտալ: Աղուան Վարդանեան խորհրդարանէն ներս ընդունուեցաւ Հայաստան-Ուրուկուայ բարեկամութեան յանձնախումբի, ինչպէս նաեւ Միջազգային հարցերով քաղաքական յարաբերութիւններու յանձնախումբի անդամներուն կողմէ:
Հանդիպումը գլխաւորեց հայ ժողովուրդի մեծ բարեկամ եւ Հայ Դատի զօրակիցներէն՝ Ծերակոյտի անդամ Ռուպէն Մարթինեզ Ուէլմօ: Անդրադառնալով Հայաստանի եւ Արցախի մասին՝ Ուելմօ շեշտեց, թէ բոլոր քաղաքական ուժերը, որոնք ներկայացուած են օրէնսդիր երկու պալատներուն մէջ, միատեսակ դիրքորոշում ունին։ «Յատկապէս մեզի համար, Արցախի կառավարութեան եւ անոր ժողովուրդին մարդկային հիմնարար իրաւունքները, ինչպէս նաեւ՝ անոր ինքնորոշման իրաւունքը, չեն կրնար փոխարինուիլ զուտ շահաբեր յարաբերութիւններով», նշեց ան, որ նաեւ յիշեց հանգուցեալ Վահան Յովհաննէսեանը, որ երկու տարի առաջ իրենց պատգամաւորական խումբին ընկերակցած էր Արցախ այցելութեան ընթացքին:
Ապա խօսք առին այլ պատգամաւորներ, որոնց կարգին Տանիէլ Ռատիօն, որ յայտնեց թէ.- «Արցախը անբաժանելի մասն է Հայաստանի եւ մենք, իբրեւ քաղաքական գործիչներ, մեր կարելի միջոցներով պիտի աշխատինք միջազգային գետնի վրայ, Արցախի Հանրապետութեան ճանաչման ի խնդիր»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles