«Հայաստանի Համար Նոր Սկիզբ Պիտի Դնենք» Կը Յայտնէ Հրանդ Մարգարեան

0 0
Read Time:1 Minute, 57 Second

sahmanatroutyoun10

Հ.Յ.Դ. Բիւրոյի ներկայացուցիչ Հրանդ Մարգարեան քուարկութեան մասնակցեցաւ եւ ապա լրագրողներուն հետ զրոյցի մը ընթացքին Մարգարեան ըսաւ, որ ան քուէարկած է «Այո՛» յանուն մեր ապագային:
Մարգարեանի կարծիքով` հանրաքուէէն ետք երկրին մէջ նոր քաղաքական դաշտ պիտի ձեւաւորուի եւ իրական մրցակցութեան կարելիութիւն պիտի ստեղծուի:
«Ես վստահ եմ, որ մենք այսօր Հայաստանի համար նոր սկիզբ պիտի դնենք, վստահ եմ, որ ամէն ինչ դէպի լաւ պիտի ընթանայ: Այսօրուան իրականութեան մէջ քաղաքական ասպարէզ հետապնդող մարդիկ վաղուընէ սկսեալ պիտի փորձեն աշխատիլ, ժողովուրդին նախապատրաստելու եւ ժողովուրդին քուէով գալու իշխանութեան», յայտնեց Մարգարեան: Իսկ Հ.Յ.Դ. Բիւրոյի քաղաքական ներկայացուցիչ, Ազգային ժողովի Հ.Յ.Դ. խմբակցութեան պատգամաւոր Արմէն Ռուստամեան յայտնեց, որ կեղծիքներու մասին տակաւին ահազանգներ չկան:

«Մենք կը համարենք, որ հանրաքուէն տեղի ունեցած է, եւ ունինք նոր սահմանադրութիւն: Վստահաբար հանրաքուէն տուած է նաեւ այնպիսի արդիւնքներ, որոնք շատ լուրջ ուսումնասիրութեան կարիք ունին. այն պատկառելի քանակը, որ «Ո՛չ» արձանագրած է, խորհելու, մտորելու տեղի կու տայ, եւ ատիկա համահունչ է այն մտահոգութեան, որ մենք ունեցած ենք քարոզարշաւի ընթացքին: Մեր խորին համոզումով` «Ո՛չ»-ը դժգոհութեան դրսեւորում է իշխանութիւններուն դէմ, «Ո՛չ»-ը իշխանութիւններուն վարած քաղաքականութեան նկատմամբ «Ո՛չ» է: Իսկ «Այո՛»-ն սահմանադրական փոփոխութիւններուն ուղղուած «Այո՛» է», յայտարարեց Հ.Յ.Դ. Բիւրոյի քաղաքական ներկայացուցիչ եւ Ազգային ժողովի Հ.Յ.Դ. խմբակցութեան ղեկավար Արմէն Ռուստամեան, Սահմանադրութեան բաեփոխման ընտրութենէն օր մը ետք՝ Դեկտեմբեր 7-ին, լրագրողներուն հետ տեղի ունեցած հանդիպումի մը ընթացքին:
«Մենք կը համարենք, որ հանրաքուէն տեղի ունեցած է, եւ ունինք նոր սահմանադրութիւն: Վստահաբար հանրաքուէն տուած է նաեւ այնպիսի արդիւնքներ, որոնք շատ լուրջ ուսումնասիրութեան կարիք ունին. այն պատկառելի քանակը, որ «Ո՛չ» արձանագրած է, խորհելու, մտորելու տեղի կու տայ, եւ ատիկա համահունչ է այն մտահոգութեան, որ մենք ունեցած ենք քարոզարշաւի ընթացքին: Մեր խորին համոզումով` «Ո՛չ»-ը դժգոհութեան դրսեւորում է իշխանութիւններուն դէմ, «Ո՛չ»-ը իշխանութիւններուն վարած քաղաքականութեան նկատմամբ «Ո՛չ» է: Իսկ «Այո՛»-ն սահմանադրական փոփոխութիւններուն ուղղուած «Այո՛» է», յայտարարեց Հ.Յ.Դ. Բիւրոյի քաղաքական ներկայացուցիչ եւ Ազգային ժողովի Հ.Յ.Դ. խմբակցութեան ղեկավար Արմէն Ռուստամեան, Սահմանադրութեան բաեփոխման ընտրութենէն օր մը ետք՝ Դեկտեմբեր 7-ին, լրագրողներուն հետ տեղի ունեցած հանդիպումի մը ընթացքին:

«Եթէ ըլան, կ՛ամփոփենք, կը հասկնանք: Բոլոր ահազանգները, տեղեկութիւնները պէտք է ստուգել, նոյնականացման քարտերով քուէարկելու համակարգը, որ գործեց, բնականաբար, հասկնալի է, որ կարգ մը դժգոհութիւններ պիտի ստեղծէր, չեմ բացառեր: Վստահ եմ, որ ընտրակեղծիքներու մասին մեր վստահուած անձերը ժամանակին պիտի ահազանգեն: Այդ մարդիկը ընդհանրապէս համաձայն չեն, որ սահմանադրութիւնը փոխուի: Մինչեւ հիմա կատարուած սխալները ուղղելու կարելիութեան համար քուէարկած եմ եւ որ իշխանութիւնն ու պետութիւնը այլեւս չնոյնանան, վերանայ իշխանութեան եւ ժողովուրդին միջեւ տարանջատումը: Ես չեմ հասկնար այն մարդիկը, որոնք վաղուց կ՛երազէին երկրի կառավարման համակարգը փոխել, հիմա դէմ են, ատիկա իրենց խիղճին վրայ», ըսաւ Արմէն Ռուստամեան` նշելով, որ ընտրութենէն ետք ժողովուրդը պիտի հասկանայ սահմանադրական փոփոխութիւնների դրական արդիւնքը:
Հ.Յ.Դ. Հայաստանի Գերագոյն մարմինի ներկայացուցիչ Աղուան Վարդանեան իր քաղաքացիական պարտքը կատարեց եւ լրագրողներուն հետ զրոյցին ընթացքին , ըսաւ.- «Քուէարկած եմ յանուն իմ պատկերացուցած ուժեղ, կազմակերպուած, բարեկեցիկ Հայաստանի: Մեր հիմնական ըսելիքը այս ընթացքին եղած է այն, որ քաղաքացիները իրենց ձայնը կարեւոր նկատեն, ըլլան աշխուժ, վստահ ըլլան, որ իրենք կրնան մեր երկրին մէջ արմատական-որակական փոփոխութիւններու հասնիլ»:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles