0
0
Հայաստանի փոխադրամիջոցներու եւ հաղորդակցութեան նախարար Գագիկ Բեգլարեան յայտարարած է, թէ Հայաստան պիտի ունենայ հաղորդակցութեան իր սեփական արբանեակը:
Նախարարը այս յայտարարութիւնը կատարած է Ռուսաստանի մէջ՝ տեսակցելէ ետք «Ռուսքոսմոս»ի տնօրէնին հետ՝ ռուսական այն ընկերութեան, որ արբանեակները կը զետեղէ անջրպետային իրենց ծիրերուն մէջ: Հայկականը պիտի գրաւէ 71,4 E տեղը:
Այս արբանեակը պիտի ծառայէ հաղորդակցութեան, գիտական հետազօտութիւններու, ինչպէս նաեւ պաշտպանութեան գետնի վրայ՝ Հայաստանի ապահովութեան ամրապնդման:
Նոր Գիւղի թաղաշրջանը ծանր ռմբակոծումներու ենթարկուեցաւ, «Հաուն» հրթիռներու օգտագործումով: Հրթիռներէն մէկը հարուածեց Սուլէյմանէյի շրջանը, իսկ երկրորդ մը ճեմարանի շրջանին մէջ գտնուող «Զաւարեան» դպրոցին մօտակայ թաղը, հայ ընտանիքի մը տան փլուզման պատճառ դառնալով: Զոհուեցան Յասմիկ Կիրակոսեանը եւ Պարսում Պարսումեանը: Ընտանիքի երեխան ծանրօրէն վիրաւորուած՝ հիւանդանոց փոխադրուեցաւ: Վիրաւորներու թիւը անյստակ է:
Հայկական թաղաշրջաններուն հսկող յանձնախումբերը կը զգուշացնեն թիպուկահարներու վտանգէն:
