Հայաստանի Ազգային Ժողովի Յոյներու եւ Ասորիներու Ցեղասպանութիւնը Դատապարտող Յայտարարութիւնը

0 0
Read Time:1 Minute, 2 Second

p1 azgayin joghov

Մարտ 24ին, Հայաստանի Ազգային Ժողովը միաձայնութեամբ ընդունեց, Թուրքիոյ մէջ յոյներու եւ ասորիներու ցեղասպանութիւնը դատապարտող յայտարարութիւն մը:
Յայտարարութեան մէջ կը նշուի, որ Ազգային ժողովը, արձանագրելով հայ, յոյն եւ ասորի ժողովուրդներու դարերու խորքէն եկող բարեկամական յարաբերութիւնները, կը յայտարարէ, որ կը դատապարտէ Օսմանեան կայսրութեան կողմէ իրականացուած յոյներու եւ ասորիներու դէմ կատարուած ցեղասպանութիւնը:
Այս յայտարարութեան մէջ կը նշուի .- «Հ.Հ. Ազգային Ժողովը, առաջնորդուելով Մ.Ա.Կ.-ի գլխաւոր վեհաժողովի Դեկտեմբեր 11 1946-ի՝ 96(1) բանաձեւի, 1948ի Դեկտեմբերի 9ի՝ «Ցեղասպանութեան յանցագործութիւնը կանխարգելելու եւ պատժելու մասին», Նոյեմբերի 26 1968ի՝ «Պատերազմական յանցագործութիւնների եւ մարդկութեան դէմ ուղղուած յանցագործութիւնների նկատմամբ վաղեմութեան ժամկէտ չկիրառելու մասին» Մ.Ա.Կ.-ի վեհաժողովների, ինչպէս նաեւ մարդու իրաւունքների վերաբերեալ բոլոր այլ միջազգային գործերի համապատասխան սկզբունքներով եւ դրոյթներով, արձանագրելով հայ, յոյն եւ ասորի ժողովուրդների դարերի խորքից եկող բարեկամական յարաբերութիւնները, յայտարարում է, որ դատապարտում է Օսմանեան Թուրքիայի կողմից 1915-1923 թուականներին իրականացուած յոյների եւ Ասորիների ցեղասպանութիւնը»։
Յայտարարութիւնը ընդունուեցաւ միաձայնութեամբ. կողմ քուէարկած է 117 պատգամաւոր, դէմ եւ ձեռնպահ քուէարկողներ չեն եղած:
Այս յայտարարութենէն օր մը առաջ՝ Մարտ 23ին, Ազգային Ժողովին մէջ քննարկուեցան «Օսմանեան Թուրքիոյ կողմից 1915-1923 թուականներին իրականացուած յոյների եւ ասորիների ցեղասպանութիւնը դատապարտելու մասին» նախագիծը: Հիմնական զեկուցող, Ազգային Ժողովի փոխնախագահ Էդուարդ Շարմազանով յայտնած էր թէ այս նախագիծը նոր չէ մշակուած` անոր սկիզբը դրուած է Վահան Յովհաննիսեանի հետ, չորս տարի առաջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles