ՀԱՄԱ-Հ.Մ.Ը.Մ.-ԱԿԱՆ 9-ՐԴ ՄԱՐԶԱԽԱՂԵՐ

0 0
Read Time:6 Minute, 15 Second

p4-5 t hamahmem khagher_tempgaharner_29-7-13 Փառաշուք ձեւով կատարուեցաւ Համա-ՀՄԸՄ-ական 9-րդ մարզախաղերու բացման հանդիսութիւնը: Երեւանի “Ազատութիւն“ հրապարակին վրայ` ներկայութեամբ Հ.Մ.Ը.Մ.-ի 16 շրջաններէն ժամանած 650 մարզիկներու, մարզական պատասխանատուներու, հիւրերու եւ աւելի քան 25 հազար հանդիսականներու, կատարուեցաւ այս ձեռնարկը: Մինչ այդ, այս բացման արարողութեան նախօրեակին, Երեւանի “Մարիոթ“ պանդոկի մէջ տեղի ունեցաւ մամլոյ ասուլիս մը, մասնակցութեամբ Հ.Մ.Ը.Մ.ի Կեդրոնական Վարչութեան անդամ եղբ. Հրաչ Մեսրոպեանի, Կեդրոնական Մարզական Յանձնախումբի ատենապետ եղբ. Մանուէլ Մարսէլեանի, Հ.Մ.Ը.Մ.¬Հ.Ա.Ս.Կ.ի Վարչութեան ատենապետ եղբ. Հրաչ Շմաւոնեանի եւ Հայաստանի Ողիմպիական Կոմիտէի Ընդհանուր Քարտուղար Հրաչ Ռուստամեանի: Մամլոյ ասուլիսին մասնակցեցան նաեւ Կեդրոնական Վարչութեան այլ անդամներ:p4-5   9rt hamahmem khagher_bashdonagan hiourer_29-7-13

Հ.Մ.Ը.Մ.ի Կեդրոնական Վարչութեան անդամ եղբ. Հրաչ Մեսրոպեան բարի գալուստ մաղթեց բոլորին ու տեղեկութիւններ փոխանցեց Հ.Մ.Ը.Մ.ի հիմնադրութեան ու ներկայ իրավիճակին մասին: Ապա խօսք առաւ եղբ. Մանուէլ Մարսէլեան, որ ընդհանուր տեղեկութիւններ փոխանցեց մարզախաղերու մասին: Ան փոխանցեց որ 36 խումբեր կը մասնակցին թէ՛ խմբային եւ թէ՛ անհատական մարզախաղերով:

Հ.Մ.Ը.Մ.¬Հ.Ա.Ս.Կ.ի Վարչութեան ատենապետ եղբ. Հրաչ Շմաւոնեան նշեց որ երկրորդ Համա¬Հ.Մ.Ը.Մ.ական մարզախաղերն են, որ տեղի պիտի ունենան Հայաստանի մէջ: Ան նշեց որ մարզախաղերու կայացումը համայն հայութեան մայրաքաղաք Երեւանի մէջ մեծ նշանակութիւն ունի բոլորին համար:  Շմաւոնեան փոխանցեց որ 2009ին մարզախաղերը տեղի ունեցած են բարձր մակարդակով ու աւարտած են իւրայատուկ յիշատակներով: Ան շնորհակալութիւն յայտնեց Հայաստանի Ողիմպիական Կոմիտէութեան եւ անոր նախագահ Գագիկ Ծառուկեանին, որ ստանձնած է մարզախաղերու նախագահութիւնը: Ան նշեց որ մարզախաղերուն ներկայ գտնուելու համար Հայաստան ժամանած են նաեւ Հ.Մ.Ը.Մ.ի Կեդրոնական Վարչութեան եօթ անդամներ, 651 մարզիկներուն եւ անոնց ընկերակցող աւելի քան 2500 ծնողներուն եւ բարեկամներուն կողքին: Ան նաեւ շնորհակալութիւն յայտնեց Հայաստանի պետութեան, որ պետական մարմին յառաջացուցած է օժանդակելու մարզախաղերու յաջողութեան համար:

Խօսք առաւ նաեւ Հրաչ Ռուստամեան, որ կարեւորեց մարզախաղերուն Երեւանի մէջ կազմակերպուիլը, նշելով որ Հայաստանի Ողիմպիական Կոմիտէն միշտ թիկունք կը կանգնի ու լայնածաւալ օժանդակութիւն կը ցուցաբերէ համահայկական առումով նմանօրինակ բոլոր նախաձեռնութիւններու: Ան նշեց որ բոլոր ֆետերասիոնները դրական գործակցութիւն ցուցաբերած են սոյն մարզախաղերու յաջողութեան համար ու կարեւորեց մարզիկներուն ներկայութիւնը հայրենի հողին վրայ, նշելով որ անոնք կրնան ծիլերը հանդիսանալ ապագայի ազգային խումբերու կազմութեան մէջ:

Եղբ. Հրաչ Մեսրոպեան նշեց որ մարզախաղերուն կը մասնակցի նաեւ Սուրիոյ պատուիրակութիւնը, որոնց մասնակցութեան կարելիութիւնը ընծայուած է Հ.Մ.Ը.Մ.ի Կեդրոնական Վարչութեան կողմէ:

p4-5  hamahmem khagher_tchahagir_29-7-13  Մամլոյ ասուլիսէն ետք, Էրեբունի թանգարանին առջեւ տեղի ունեցաւ մարզախաղերու ջահին բոցավառման արարողութիւնը: Խօսք առաւ եւ Հ.Մ.Ը.Մ.-ական ջահակիրները ողջունեց Հ.Մ.Ը.Մ.-ի Կեդրոնական վարչութեան անդամ Միհրան Շիմշիրեան: Ան յայտնեց, որ համա-Հ.Մ.Ը.Մ.-ական մարզախաղերու ջահը կը բոցավառի 28 դար առաջ հայոց քաղաքակրթութեան օրրանը հանդիսացած Էրեբունի քաղաքէն եւ կ’ուղղուի դէպի “Ազատութիւն“ հրապարակ: “Հ.Մ.Ը.Մ.-ի առաքելութիւնն է այդ, քաղաքակրթութեան ջահակիրը դառնալ եւ միշտ ազատութեան ձգտիլ ու հասնիլ“, յայտնեց Շիմշիրեան:

Մարզախաղերու ջահը վառեց Հ.Մ.Ը.Մ.-ական երէց եղբայր, մարաթոն վազքի երկարամեայ ախոյեան Լեւոն Թաշճեան, որուն հետեւեցան մարզախաղերու մասնակից երկիրներէն 34 մարզիկ-մարզիկուհիներ, որոնք Էրեբունի թանգարանէն մինչեւ “Ազատութիւն“ հրապարակ ջահը փոխանցեցին փոխն ի փոխ վազելով:

Հանդիսավար Մամիկոն Սիմոնեան բարի գալուստ մաղթեց բոլորին ու հրաւիրեց Արարատեան թեմի առաջնորդի ներկայացուցիչ, Արաբկիր համայնքի հոգեւոր հովիւ Բաբգէն քհնյ. Հայրապետեանը, որ Տէրունական աղօթքով օրհնեց ներկաները: Ապա, հանդիսավարը ամփոփ կերպով ներկայացուց համա¬Հ.Մ.Ը.Մ.-ական մարզախաղերու պատմականը, որմէ ետք ան բեմ հրաւիրեց մարզախաղերու կազմակերպիչ յանձնախումբի ատենապետ Մանուէլ Մարսէլեանը, Հ.Մ.Ը.Մ.¬Հ.Ա.Ս.Կ.-ի վարչութեան ատենապետ Հրաչ Շմաւոնեանը, Հ.Մ.Ը.Մ.-ի Կեդրոնական վարչութեան ատենապետ Գառնիկ Մկրտիչեանը, Հ.Յ.Դ. Բիւրոյի անդամ Վահան Յովհաննիսեանը, սփիւռքի նախարարութեան անձնակազմի ղեկավար Ֆիրտուս Զաքարեանը եւ Հայաստանի ողիմպիական կոմիտէի նախագահ ու համա¬Հ.Մ.Ը.Մ.-ական 9-րդ մարզախաղերու պատուոյ նախագահ Գագիկ Ծառուկեանը: Ան նաեւ բեմ հրաւիրեց Հ.Մ.Ը.Մ.-ի Կեդրոնական վարչութեան անդամներ` Միհրան Շիմշիրեան, Ստեփան Տէր Պետրոսեան, Հրաչ Մեսրոպեան, Բագրատ Եսայեան, մարմնամարզի նախարարութեան ներկայացուցիչը, Հ.Օ.Մ.-ի Կեդրոնական վարչութեան ներկայացուցիչ Ալիսիա Պեճանեանը, Հ.Յ.Դ. Հայաստանի Գերագոյն մարմինի փոխ-ներկայացուցիչ Արսէն Համբարձումեանը, ինչպէս նաեւ Հ.Մ.Ը.Մ.-ի Կեդրոնական վարչութեան նախկին անդամներ եւ Համահայկական մարզախաղերու համաշխարհային կոմիտէի անդամներ:p4-5 9rt hamahmem khagher_marzigner_29-7-13

Երեւանի թմբկահարներու համոյթի առաջնորդութեամբ, բացման հանդիսութիւնը սկսաւ հանդիսաւոր տողանցքով, մարզախաղերու մասնակից մարզիկ-մարզիկուհիներու մասնակցութեամբ: Հիւրընկալ Հայաստանի կողքին, աշխարհի 17 երկիրներէն` Աւստրալիայէն, Արեւելեան եւ Արեւմտեան Միացեալ Նահանգներէն, Գանատայէն, Հարաւային Ամերիկայէն, Լիբանանէն, Սուրիայէն, Գահիրէէն, Երուսաղէմէն (նաեւ Հայֆա եւ Եաֆա), Փարիզէն, Լոնտոնէն, Պուլկարիայէն, Կիպրոսէն, Պաղտատէն, Քուէյթէն եւ Իրանի Հայ մշակութային “Արարատ“ կազմակերպութենէն ժամանած 650 մարզիկներ, մարզիչներ եւ վարչական պատասխանատուներ տողանցեցին Հիւսիսային պողոտայէն դէպի “Ազատութիւն“ հրապարակ: Տողանցքին իրենց մասնակցութիւնը բերին Համազգայինի ուսանողական հաւաքին մասնակիցները:

Ապա Հայաստանի, Հայաստանի Ազգային ողիմպիական կոմիտէի եւ Հ.Մ.Ը.Մ.-ի դրօշներոը մուտք գործեցին: Հայաստանի Հանրապետութեան եւ Հ.Մ.Ը.Մ.-ի քայլերգներով սկսաւ բացման հանդիսութեան պաշտօնական բաժինը:

Մարզախաղերու կազմակերպիչ յանձնախումբի անդամ Մանուէլ Մարսէլեան բարի գալուստ եւ յաջողութիւն մաղթեց բոլորին:

p4-5 amahmem khagher_hantiboum varchabedin hed_29-7-13  Հրաչ Շմաւոնեան իր ուրախութիւնը յայտնեց 650 մարզիկ¬մարզիկուհիներ մէկտեղուած տեսնելով Հայաստանի մէջ: Ան նշեց, որ այսօր տօն է Հ.Մ.Ը.Մ.-ի մեծ ընտանիքին համար: Բոլորը ոգեւորուած են Հայաստանի մէջ հիւրընկալելով սփիւռքահայ իրենց քոյր¬եղբայրները, որոնք ամէն ճիգ ի գործ դրած են մարզախաղերը բարձր մակարդակով կազմակերպելու համար: Հրաչ Շմաւոնեան նշեց, որ իւրաքանչիւր յաղթանակ բոլորին յաղթանակը կը նկատուի:

Հ.Մ.Ը.Մ.-ի Կեդրոնական վարչութեան ատենապետ Գառնիկ Մկրտիչեան իր խօսքին մէջ յայտնեց, որ մարզախաղերը աննախընթաց են թէ՛ մասնակից երկիրներու եւ թէ՛ մարզիկ-մարզիկուհիներու թիւով: Ան նշեց, որ մարզախաղերը աննախընթաց են նաեւ անոր համար, որ ան առաջին անգամ ըլլալով կը վայելեն հայրենի պետութեան հոգածութիւնն ու գուրգուրանքը, որուն համար մեծապէս շնորհակալ է Հայ մարմնակրթական ընդհանուր միութիւնը: Մկրտիչեան իր շնորհակալական խօսքը փոխանցեց սփիւռքի նախարարութեան աջակցութեան եւ մանաւանդ Հայաստանի ողիմպիական կոմիտէի օժանդակութեան, մարզախաղերը յաջող կերպով աւարտելու իրենց ներդրումին համար: Ան շեշտեց երիտասարդութեան գործօն դերակատարութեան անհրաժեշտութիւնը, որ եռանդ եւ յոյս պիտի ներշնչէ մեր ժողովուրդին, իր կարգին, ազգային շունչ եւ ոգի ստանալով անկէ: Մկրտիչեան իր խօսքը եզրափակեց շեշտելով, որ մարզախաղերու մեծագոյն յաղթականը, անկասկած, պիտի ըլլայ Հայաստանը, որ 8 օրեր շարունակ իր գիրկը պիտի բանայ Հ.Մ.Ը.Մ.-ի մարզական “կամաւոր բանակ“ին:p4-5 chah_levon1

Հ.Յ.Դ. Բիւրոյի անդամ Վահան Յովհաննիսեան ողջունեց բոլորը եւ ըսաւ, որ մարզախաղերու բացման հանդիսութիւնը կը զուգադիպի Յուլիս 27-ին, որ կը խորհրդանշէ Լիզպոնի հերոսական գործողութեան 30-ամեակը: 30 տարի առաջ 5 անձնուրաց երիտասարդներ իրենց կեանքը զոհաբերեցին հայութեան արդար դատին ի խնդիր: Ան նշեց, որ այսօր Հ.Մ.Ը.Մ.-ական յանձնառու երիտասարդութիւնը նոյն տեսիլքով եւ յանձնառութեամբ լծուած է հայապահպանման պայքարին: Յովհաննիսեան բարի երթ մաղթեց մարզախաղերուն ու նշեց, որ մասնակից մարզիկները Հայաստանի դեսպանները պէտք է դառնան իրենց երկիրներուն մէջ, որպէսզի միասնաբար բոլորս ունենանք ապագայ երջանիկ Հայաստան:

Սփիւռքի նախարարութեան անձնակազմի ղեկավար Ֆիրտուս Զաքարեան ընթերցեց սփիւռքի նախարար Հրանուշ Յակոբեանի խօսքը, որ կ’ողջունէր բոլորը Հայաստանի մէջ ու կը շեշտէր, որ Հ.Մ.Ը.Մ. սփիւռքի մէջ, օտար ափերու վրայ լայնածաւալ ձեռնարկներ կը կազմակերպէ հայեցի դաստիարակութիւն փոխանցելու համար հայ երիտասարդութեան: Յակոբեան իր նամակին մէջ կը մաղթէր, որ բոլորը լաւ տպաւորութիւններով աւարտեն մարզախաղերը եւ միշտ վերադառնան Հայաստան, որովհետեւ Հայաստանը կը սպասէ բոլորին:

Ապա, տեղի ունեցաւ համա-Հ.Մ.Ը.Մ.-ական մարզախաղերու մասնակից մարզիկներու եւ իրաւարարներու երդումը;

p4-5 vahan1  Հայաստանի ողիմպիական կոմիտէի նախագահ եւ համա¬ՀՄԸՄ-ական 9-րդ մարզախաղերու պատուոյ նախագահ Գագիկ Ծառուկեան գոհունակութեամբ ողջունեց բոլորը եւ նշեց, որ համա¬Հ.Մ.Ը.Մ.-ական մարզախաղերը մեծ իրադարձութիւն են եւ կարեւոր միջոց` համահայկական գաղափարներու տարածման համար: Ան աւելցուց, որ մասնակիցները հիւրեր չեն, որովհետեւ անոնք կը գտնուին իրենց տան ու հայրենիքին մէջ` շեշտելով, որ հայկականութեան զգացումը կը տիրապետէ բոլորին մօտ: Ծառուկեան իր բերկրանքը յայտնեց, որ Հ.Մ.Ը.Մ.  մարզախաղերը կը կազմակերպէ Հայաստանի մէջ, ինչ որ յաւելեալ հեղինակութիւն կու տայ ձեռնարկին:

Խօսքերու աւարտին, Ազատութեան հրապարակ մուտք գործեց Լեւոն Թաշճեան, որ ջահը փոխանցեց փինկ փոնկի Լիբանանի եւ արեւմտեան Ասիոյ ախոյեան, 2012-ի ողիմպիական մարզախաղերու մասնակից Դուին Մումջողլեանին, որ վառեց մարզախաղերու ջահը, որմէ ետք Գագիկ Ծառուկեան ազդանշանը տուաւ համա-Հ.Մ.Ը.Մ.-ական 9-րդ մարզախաղերուն:

Հանդիսութեան յաջորդեց համերգ մը` մասնակցութեամբ հայրենի երգի ու պարի խումբերու եւ երգիչ-երգչուհիներու: Երեկոյեան, հանդիսութիւնը աւարտեցաւ հրավառութեամբ:

 

 

 

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles