ՀԱՄԱ-Հ.Մ.Ը.Մ.-ական Խմբապետական7-րդ Համագումարի Բացում

0 0
Read Time:2 Minute, 8 Second

2
Հ.Մ.Ը.Մ.-ի Կեդրոնական վարչութեան նախաձեռնութեամբ Յուլիս 27-էն 31  տեղի կ’ունենայ Համա-Հ.Մ.Ը.Մ.-ական խմբապետական 7-րդ համագումարը Երեւանի մէջ:

Համագումարին, որուն բացումը տեղի ունեցաւ Յուլիս 27-ին, կը մասնակցին 18 երկիրներէ 28 բարձրաստիճան խմբապետներ, ինչպէս նաեւ Հայ մշակութային «Արարատ» կազմակերպութեան խմբապետը: Համագումարին կը մասնակցին նաեւ երկու օժանդակ խմբապետներ:

Համագումարին բացումը տեղի ունեցաւ Չորեքշաբթի, Յուլիս 27-ի յետմիջօրէի ժամը 4:00-ին, «Կովկաս» պանդոկին մէջ: Ներկայ էին Հ.Մ.Ը.Մ.-ի Կեդրոնական վարչութեան անդամ եղբայրներ Գառնիկ Մկրտիչեան, Վաչէ Նաճարեան, Բագրատ Եսայեան, Օշին Փիրումեան եւ Անդօ Պահարեան: Իր սրտի խօսքին մէջ Գառնիկ Մկրտիչեան հրաւիրեց ժողովը մէկ վայրկեան յոտնկայս լռութեամբ յարգելու յիշատակը առյաւէտ բաժնուած Հ.Մ.Ը.Մ.-ական քոյրերուն եւ եղբայրներուն, ինչպէս նաեւ յիշատակը Լիզպոնի նահատակներուն, որոնց նահատակութեան օրը զուգադիպած էր խմբապետական համագումարի բացման: Ան նաեւ շեշտեց համագումարին կարեւորութիւնը` նշելով, որ միութիւնը ակնկալիքներ ունի սկաուտական բարձրաստիճան այս համագումարէն:07cb8feb-7be4-48c1-8085-f786b422dc17

Ապա, Կեդրոնական վարչութեան անդամ Վաչէ Նաճարեան մասնակիցներուն ներկայացուց համագումարին ծրագիրն ու աշխատանքներու ընթացքը` նշելով, որ օրակարգերը պիտի քննարկեն միութիւնը յուզող զանազան հարցեր եւ ապագայի պատկերացումներ: ՀՄԸՄ-ՀԱՍԿ-ի վարչութեան կողմէ բարի գալուստ մաղթեց Պերճ Թիւֆենքճեան` յաջողութիւն մաղթելով համագումարի աշխատանքներուն:

Համագումարը հինգ օրերու ընթացքին վերատեսութեան պիտի ենթարկէ սկաուտական բոլոր կարգերու գիտելիքները եւ անոնց գործադրութեան եղանակը: Նաեւ պիտի մշակէ դաստիարակչական ծրագիրներ, պիտի զբաղի շրջաններու խմբապետներու վերաորակաւորման ծրագիրներով եւ պիտի պատրաստէ Համա-Հ.Մ.Ը.Մ.-ական 11-րդ բանակումի նախածրագիրը, որ ծրագրուած է իրագործել միութեան 100-ամեակին` 2018-ին:

Համագումարը յատուկ օրակարգով պիտի արծարծէ նաեւ Հ.Մ.Ը.Մ.-ի 100-ամեակի ձեռնարկներուն առաջարկները, ինչպէս նաեւ պիտի անդրադառնայ այժմէական հրատապ այլ հարցերու:

Այցելութիւններ

4Նոյն օրը առաւօտեան, համագումարի մասնակից քոյրերն ու եղբայրները այցելեցին Հայաստանի Հանրապետութեան սփիւռքի նախարարութիւն, ուր իրենց դիմաւորեց սփիւռքի փոխնախարար Սերժ Սրապիոնեան: Փոխնախարարը իր ողջոյնի խօսքին մէջ նշեց, որ «խմբապետները իրենց տունը այցելած են այսօր եւ պատիւ է մեզի համար ձեզ այստեղ դիմաւորելը»:

Սրապիոնեան ընդգծեց Հ.Մ.Ը.Մ.-ի կարեւորութիւնը եւ ըսաւ, թէ ան հնոց միութիւնն է, որ կը դաստիարակէ հայեր: Ապա ան անդրադարձաւ Հ.Մ.Ը.Մ.-ի Կեդրոնական վարչութեան եւ սփիւռքի նախարարութեան միջեւ կնքուած յուշագիրին, որ աւելի կ’ամրապնդէ փոխադարձ գործակցութիւնը:

Հ.Մ.Ը.Մ.-ի Կեդրոնական վարչութեան ատենապետ Գառնիկ Մկրտիչեան նշեց, որ «Հ.Մ.Ը.Մ.-ը սփիւռքի մէկ մասնիկն է, եւ երբ տակաւին ազատ ու անկախ Հայաստան չկար, Հ.Մ.Ը.Մ. սփիւռքի մէջ կը խորհրդանշէր երիտասարդութեան եւ մարմնակրթութեան նախարարութիւնը»: Ապա ան համագումարի յուշանուէրը փոխանցեց նախարարի տեղակալին:3

Ապա, խմբապետական համագումարի մասնակիցները, Հ.Մ.Ը.Մ.-ի Կեդրոնական վարչութեան անդամներուն ընկերակցութեամբ, ուղղուեցան Ծիծեռնակաբերդ` յարգանքի տուրք մատուցելու Հայոց ցեղասպանութեան զոհերու յիշատակին: Համագումարին անունով ծաղկեպսակ զետեղուեցաւ, նաեւ մեխակներ` իւրաքանչիւր մասնակիցի կողմէ: Կատարուեցաւ Տէրունական աղօթք, ապա մասնակիցներուն կողմէ հնչեց «Յառաջ նահատակ» քայլերգը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles