Համահայկական Վեցերորդ Ամառնային Խաղեր

0 0
Read Time:3 Minute, 28 Second

panarm2panarm15
Կիրակի, Օգոստոս 2-ին, ազդանշանը տրուեցաւ Համահայկական վեցերորդ ամառնային խաղերուն:
Նախորդ Համահայկական խաղերուն հետ բաղդատած, այս խաղերը աննախադէպ են ոչ միայն մարզաձեւերու, այլ նաեւ մարզիկներու քանակով: Արդարեւ, առաջին մրցանիշը աւելի քան վեց հազար երկու հարիւր մարզիկներու մասնակցութիւնն է: Անոնք Երեւան ժամանած են 36 երկիրներու 165 քաղաքներէ:
1999-ին առաջին անգամ երկամեայ հերթականութեամբ տեղի ունեցած Համահայկական խաղերը, 2007-էն ետք սկսան չորսամեայ հերթականութեամբ կազմակերպուելու: Այս տարի վեցերորդ անգամ տեղի ունեցող խաղերուն մասնակցութիւնը զգալիօրէն բարձր է բաղդատմամբ նախորդ խաղերուն:panarm14panarm13
Նախապէս միայն Պոլսոյ անունով մասնակցող Թուրքիոյ հայ խումբերը այս տարի աւելի զանազանութիւն կը ներկայացնեն: Առաջին անգամ 2011-ի խաղերուն, Պոլսոյ հաւաքականին կողքին բաւական մեծ թիւով մասնակցած էր նաեւ Սասունի հայրենակցական միութիւնը: Այդ մասնակցութիւնը մեծ ոգեւորութիւն ստեղծած էր յատկապէս բացման արարողութեան տողանցքի պահուն: Սասունցիներու այդ յաղթական համարձակութիւնը բարի նախանձ յառաջացուց այլ հայրենակցական միութիւններու մօտ եւս այս տարի, բացի Պոլսոյ եւ Սասունի հաւաքականներէն Պիթլիս, Տիգրանակերտ, Տէրսիմ, Վաքըֆլըգիւղ եւ Սամաթիա թաղամասերն ալ զատ խումբերով կը մասնակցին մրցումներուն: Ներկայ դրութեամբ Թուրքիայէն մասնակցողներու թիւը կը հասնի 730-ի, որոնց 400-ը մարզիկներ եւ մարզիչներ են, իսկ մնացեալը` կազմակերպիչներ եւ համակիրներ:panarm1

Թուրքիոյ հայոց համար ուրախ հպարտութեան այլ երեւոյթ մըն է սիրուած երգչուհի Սիպիլի բացման արարողութեան մասնակցութիւնը: Շնորհալի երգչուհին, ինչպէս նախորդ խաղերուն, այս տարի ալ կազմակերպիչ յանձնախումբի նախագահ Իշխան Զաքարեանի յատուկ հրաւէրով ժամանեց Հայաստան եւ բացման հանդէսի պահուն երգեց մեծ ժողովրդականութիւն վայելող «Գետաշէն»ը:
Նշենք, որ այս խաղերուն նկատի առնուած են հետեւեալ մարզաձեւերը` ոտնագնդակ (ֆութպոլ), մինի-ֆութպոլ, պասքեթպոլ, վոլիպոլ, աթլեթիզմ, թենիս, փինկ փոնկ, ճատրակ, պետմինթըն, լողարշաւ, պիչ-վոլիպոլ, մարզական պարեր, կոլֆ, հենտպոլ, բազկամարտ, հեծելարշաւ եւ հրացանաձգութիւն: Այս վերջին եօթը մարզաձեւերը տեղի կ՛ունենան առաջին անգամ ըլլալով:
Համահայկական խաղերու համաշխարհային կոմիտէի պատուիրակութիւնը՝ նախագահ Իշխան Զաքարեանի գլխաւորութեամբ, Յուլիս 8-13 գտնուած էր Արեւմտեան Հայաստան: «Բարով եկած էք ձեր տուն, բարով եկած էք ձեր հողերը» խօսքերով զանոնք դիմաւորած էր հայոց հնագոյն մայրաքաղաք Վանի քաղաքապետ Պեքիր Քայեան: Վկայակոչելով Համահայկական խաղերու համաշխարհային կոմիտէի մամուլի ծառայութիւնը, քաղաքապետարանին մէջ պաշտօնական ընդունելութեան ժամանակ Համահայկական խաղերու համաշխարհային կոմիտէի նախագահը մանրամասն ներկայացուցած էր մարզական խաղերուն պատմութիւնը:panarm19
Ի նշան սփռուած հայերու միասնութեան, վառած էր երեք ջահ՝ Սփիւռք, Արցախ,եւ Հայրենիք եռամիասնութեամբ: Սփիւռքի ջահը վառած էր, 10րդ դարու Գագիկ Արծրունիի պատուէրով Վանայ լիճի Աղթամար կղզիին վրայ կառուցուած Ս. Խաչ եկեղեցւոյ մէջ:
Վանի քաղաքապետը մեծ պատիւ համարած էր իրենց մասնակցութիւնը այդ նախաձեռնութեան եւ իր պատուիրակութեամբ, քաղաքի մշակութային համոյթներով ուղեկցած է պատուիրակներուն Աղթամար:
Վանի քաղաքապետը նուէրներ յանձնած էր պատուիրակութեան անդամներուն եւ սիրով ընդունած է Իշխան Զաքարեանի հրաւէրը՝ ներկայ գտնուելու Համահայկական խաղերու բացման արարողութեան:panarm12
Այնուհետեւ ջահը դէպի Պիթլիս ու Տիգրանակերտ փոխադրուած էր Օհաննէս Օհանեանի կողմէ: Տիգրանակերտ տանող ճանապարհին Հայաստանի պատուիրակութիւնը ընդունած էր Պիթլիսի քաղաքապետ Հուսէյն Օլանը: Քաղաքապետը սիրով տեղեկացուցած էր, որ ամառնային խաղերու բացման իր գլխաւորած պատուիրակութիւնը պիտի ըլլայ Երեւան: Հուսէյն Օլանը ցաւով անդրադարձած էր նաեւ հարիւր տարի առաջ տեղի ունեցածին՝ ըսելով, որ իրենք բոլորն ալ մեղաւոր են, եւ ժամանակն է պատմութեան նայիլ ուղիղ աչքերով:
Ապա պատուիրակութեան անդամները ուղեւորուած էին հայոց արքայ Տիգրան Մեծի հիմնադրած Տիգրանակերտ, ուր զանոնք դիմաւորած էին Տիգրանակերտի քաղաքապետ Ֆըրաթ Անլ եւ Սուրիի քաղաքապետ տիկին Ֆաթմա Շըք Պարաթ՝ «Բարի եկաք ձեր տուն» կարգախօսին ներքոյ: Դիմելով հիւրերուն՝ Տիգրանակերտի քաղաքապետը կարեւոր համարած էր երկու ժողովուրդներու մշակութային եւ մարզական կապերը, խօսած է Երեւանի մէջ կայանալիք ամառնային խաղերուն իրենց մասնակցութեան կարեւորութեան մասին: Երեկոյեան Սուրբ Կիրակոս եկեղեցւոյ բակին մէջ կայացած էր հայկական պատուիրակութեան հանդիպումը համայնքի հարիւրաւոր ներկայացուցիչներու հետ:
Վանէն Տիգրանակերտ տարուած ջահը ուղեւորուած էր Մուշ: Դէպի Էրզրում ճանապարհին հայկական պատուիրակութեան անդամները խոնարհած էին հայ ազգային-ազատագրական շարժման հերոս Գէորգ Չաւուշի գերեզմանին:panarm23panarm20panarm24
Հայաստանեան պատուիրակութեան անդամները Մշոյ վերին թաղի հայկական գերեզմանոցին մէջ գտնուող Գէորգ Չաւուշի գերեզմանը ծածկած էին հայոց եռագոյնով, այնուհետեւ վարդեր նետած են Սուլուխի կամուրջէն Արածանի գետը՝ ի նշան խոնարհումի բոլոր հերոսներուն առջեւ:
Մշոյ դաշտէն դէպի Էրզրում-Անիի ուղղութեամբ ջահը ճանապարհած էր Համահայկական խաղերու գործկոմի անդամ Ռոլանտ Շառոյեան:panarm22
Անին՝ հայոց հինաւուրց մայրաքաղաքը, գրկաբաց ընդունած է Համահայակական խաղերու ջահը: Մայր տաճարին մէջ հնչած էին Անիին նուիրուած երգեր: Կարսէն եւ Անիէն պատուիրակութիւնը ուղեւորուած էին Ջաւախք:
Համահայկական խաղերու ջահը Ջաւախքի Սուրբ Խաչ եկեղեցի բերած էր մարզական մեկնաբան Կարէն Գիլոյեան: Պատուիրակութիւնը դիմաւորած էին հարիւրաւոր ջաւախքցիներ: Ջաւախքի վարչական շրջանի ղեկավար Համլէտ Մովսիսեան եւ ծնունդով ջաւախեցի Աշոտ Մելքոնեան հանդէս եկած էին ելոյթներով եւ կարեւորած են նախաձեռնութեան էութիւնը՝ հպարտութեամբ նշելով, որ Ջաւախքի քաղաքները մեծաքանակ պատուիրակութեամբ պիտի մասնակցին ամառնային վեցերորդ խաղերուն:
Այսպէս, Աղթամարի Սուրբ Խաչ եկեղեցւոյ մէջ վառած ջահը Ջաւախքէն անցնելով Գիւմրի, ապա Սարդարապատ եւ Մայր Աթոռ Սուրբ Էջմիածնի մէջ ստանալով վեհափառ հայրապետի օրհնութիւնը՝ Օգոստոս 2ին մուտք գործեց Հանրապետական մարզադաշտ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles