Համաժողովրդական Հանրահաւաք Ստեփանակերտի Մէջ

0 0
Read Time:2 Minute, 6 Second


ՍՏԵՓԱՆԱԿԵՐՏ.- Դեկտեմբերի 25-ին, հոծ բազմութիւն մը հաւաքուած էր «Վերածնունդ» հրապարակ: Արցախցիները  պահանջեցին, որ ազերի այսպէս կոչուած բնապահպանները բանան արդէն 2 շաբաթ լիակատար շրջափակման մէջ գտնուող Բերձորի միջանցքը՝ «կեանքի ճանապարհ»-ը: Հանրահաւաքին մասնակցեցան նաեւ Արցախի նախկին նախագահ Բակօ Սահակեան եւ այլ գործիչներ:

Այս առթիւ, հաւաքուած ժողովուրդը  կոչ մը յղեց աշխարհասփիւռ հայութեան, համաշխարհային հանրութեան եւ ազատութեան ու համամարդկային արժէքներու համար պայքարող իւրաքանչիւր անհատի.-

Դեկտեմբեր 12-ից սկսած Արցախը յայտնուել է լիակատար շրջափակման մէջ. աւելի քան 120.000 մարդ, այդ թւում` շուրջ 30.000 երեխաներ յայտնուել են ծանր կացութեան մէջ` իսպառ զրկուած լինելով ազատ տեղաշարժի ու դրա հետ կապուած բազմաթիւ կենսական հնարաւորութիւններից: Հերթական անգամ Ատրպէյճանի ռազմաքաղաքական ղեկավարութիւնը կոպտօրէն խախտում է միջազգային իրաւունքի նորմերը եւ Նոյեմբեր 9, 2020-ի Եռակողմ յայտարարութեամբ ստանձնած պարտաւորութիւնները:

Արցախի եւ Հայաստանի միջեւ ցամաքային ճանապարհի անխափան գործարկումը չի կարող լինել որեւէ բանակցութիւնների եւ սակարկման առարկայ: Արցախը արտաքին աշխարհին կապող հաղորդակցութիւնը պէտք է առանց նախապայմանների ու անյապաղ վերականգնուի, եւ պայմաններ ստեղծուէն դրա յետագայ անխափան գործունէութիւնն ապահովելու համար;
Հայ ժողովրդի հանդէպ Ատրպէյճանի կողմից իրականացուող էթնիկ զտումների եւ խտրական քաղաքականութիւնը, որը նոր թափ է ստացել 2020-ի աշնանը մեզ պարտադրուած պատերազմից ու դրա թողած աղէտաբեր հետեւանքներից յետոյ, նպատակ ունի հայաթափել հայկական Արցախը` շարունակելով 1915-ի Թուրքիոյ կողմից Արեւմտեան Հայաստանում իրականացուած ցեղասպանութեան բեմագիրը:

Իր պատմական հայրենիքում ազատ եւ անկախ ապրելու համաժողովրդական կամքն է 1988թուականին հէնց այս հրապարակից ուղղորդել մեր ժողովրդին ազատագրական պայքարի, որի արդիւնքում մենք ունենք միջազգային իրաւունքի նորմերին համապատասխան հռչակուած ինքնիշխան պետութիւն եւ նրա կենսունակութիւնն ապացուցող քաղաքական, տնտեսական ու սոցիալական տեսանելի ձեռքբերումներ:

Այսօր, երբ վտանգուած է համայն հայութեան երազանք Արցախի Հանրապետութեան լինելիութիւնը, մենք, խոնարհուելով մեր ազատագրական պայքարի ճանապարհին իրենց կեանքը նուիրաբերած հայորդիների յիշատակի առջեւ, վերանորոգում ենք մեր ուխտը` մեր սուրբ նահատակների գործը շարունակելու եւ մեր արժանապատուութիւնը պահպանելու համար:
Շարունակուող պայքարի ընթացքում մենք, ինչպէս նախորդ տարիներին, այսօր էլ ունենք մայր Հայրենիքի եւ համայն հայութեան համակողմանի աջակցութեան կարիքը: Անցած տարիներին Արցախը եղել է հայկական ինքնութեան եւ արժանապատուութեան խորհրդանիշ: Այսօր, երբ հայկական երկրորդ հանրապետութիւնը կանգնած է նոր մարտահրաւէրների առջեւ, Արցախը պէտք է դառնա այն առանցքը, որի շուրջ պէտք է միաւորել համազգային ներուժը: Արցախի Հանրապետութեան ապագան համազգային նշանակութեան հարց է եւ պահանջում է համահայկական համախմբում ու համերաշխութիւն:

Արցախի Հանրապետութիւնը շարունակելու է ջանքեր գործադրել իր ժողովրդի անվտանգութիւնն ու պաշտպանունակութիւնը ամրապնդելու համար` համադրելով սեփական կարողութիւններն ու Ռուսաստանի Դաշնութեան Խաղաղապահ առաքելութեան հնարաւորութիւնները:

Արցախի Հանրապետութիւնը` որպէս միջազգային հիմնարար իրաւունքների գերակայութեամբ առաջնորդուող պետութիւն, շարունակելու է հաւատարիմ մնալ համամարդկային արժէքներին եւ լինել կառուցողական: Ծաւալապաշտական նկրտումներն ու տնտեսական շահերը չպիտի թելադրող լինեն ժամանակակից միջազգային յարաբերութիւններում: Արցախն աշխարհի քարտէսի վրայ այն կէտն է, որից, ինչպէս 1988 թուականին, կարող է սկիզբ առնել 21-րդ դարի` բարոյական աշխարհակարգի ձեւաւորումը:

Ստեփանակերտ
Դեկտեմբեր 25 , 2022

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles