«Համազգային» Հայ Կրթական եւ Մշակութային Միութեան Արեւելեան Ա.Մ.Ն.-ի Շրջանի 45-րդ Ներկայացուցչական Առցանց Ժողով 2021-2022

2 0
Read Time:1 Minute, 31 Second

 

«Համազգային» Հայ Կրթական եւ Մշակութային Միութեան Արեւելեան ԱՄՆ-ի Շրջանի Ներկայացուցչական առցանց ժողովի Բ. նիստը տեղի ունեցաւ Յունիս 26-ին: Ժողովին ներկայ էին ընթացաւարտ Շրջանային Վարչութեան ատենապետուհի եւ Կեդրոնական Վարչութեան նորընտիր անդամ Արեւիկ Գաբրիէլեան, Հ․Յ․Դ․ Կեդրոնական Կոմիտէի ներկայացուցիչ Անի Չաղլասեան, ժամանակաւոր դիւանի ատենադպրուհի Յասմիկ Աբրահամեան, Շրջանային Վարչութեան կազմը եւ եօթը մասնաճիւղերու ներկայացուցիչներ:

Ժամանակաւոր դիւանի ատենապետուհի Անի Չաղլասեան ժողովի օրինաւորութիւնը ստուգելէ եւ օրկարգը վաւերացնելէ վերջ, ժողովի բացումը կատարեց, բարի գալուստ մաղթելով բոլորին, նմանապէս ան հպանցիկ անդրադարձաւ Սփիւռքի եւ Արցախի մէջ Համազգայինի մշակութային եւ կրթական գործունէութեան անհրաժեշտութեան մասին, ապա հրաւիեց Արեւիկ Գաբրիէլեանը, որպէսզի զեկուցէ Մայիս
25-27-ին Երեւանի մէջ տեղի ունեցած Համազգայինի Պատգամաւորական Ժողովի մասին:

Արեւիկ Գաբրիէլեան բարի գալուստ եւ յաջողութիւն մաղթելէ ետք ժողովականներուն, համառօտ զեկոյցը տուաւ պատգամաւորական ժողովին ընդգծելով, որ պատգամւորներու մեծամասնութիւնը երիտասարդներ էին եւ տիրող մթնոլոտը դրական: Կեդրոնական Վարչութեան գործուէութիւնները եղած էին լայնածաւալ կրթական եւ մշակութային զանազան բնագաւառներու մէջ: Ան խօսեցաւ յառաջիկայ չորս տարիներու ընթացքին իրագործուելիք բանաձեւերու մասին, որոնցմէ են․ հիմնել մշակութային կեդրոն /դպրոց Ա.Մ.Ն.-ու Արեւելեան շրջանին մէջ, հրատարակել Մեսրոպեան ուղղագրութեամբ դասագրքեր, Ճեմարանի դասընթացները առցանց մատչելի դարձնել՝ հայեցի կրթութեան ծաւալման նպատակով։ Հնարաւորութեան մէջ կազմակերպել Համազգայինի մշակութային միաւորներու համախմբում Արցախի կամ Երեւանի մէջ։ Պատրաստել միօրեայ դպրոցներու համար ուսուցման արդիական միջոցներու վրայ հիմնուած նոր դասագրքեր: Արեւիկ Գաբրիէլեան շեշտեց, որ այս բոլոր աշխատանաքներու կողքին իր յանձնառութիւնն է, որպէս Կեդրոնականի Արեւելեան Շրջանի ներկայացուցիչ, մօտէն հետեւիլ եւ աջակցիլ Շրջանային Վարչութեան գործունէութիւններուն:
Արեւիկ Գաբրիէլեանի զեկոյցին յաջորդեցին Շրջանային Վարչութեան գործունեութիւններու զեկոցները, ինչպիսին են Մանկամսուրի, «Թէօլէօլեան» գրական մրցանակի, «Փեթակ» մանկապատանեկան հայախօս ճամբարի, ArtLinks-ի, երիտասարդներու Արեւմտահայերէնի կիրառման աշխատանոցի եւ Կեդրոնական Վարչութեան ծրագրերու համար կատարուած հանգանակութիւնը:

Զեկոյցներու եւ հարց-պատասխանի աւարտին տեղի ունեցաւ Շրջանային Վարչութեան ընտրութիւն: Ժողովը միաձայնութեամբ ընտրեց
Քարի Ղազարեանը եւ Յասմիկ Աբրահամեանը, փոխարինելու Արեւիկ Գաբրիէլեանը եւ ընթացաւարտ Անի Աղաճանեանը:
Արեւելեան Ա․Մ․Ն․ Շրջանային Վարչութեան կազմի անդամներն են.
Յասմիկ Աբրահամեան, Մարուշ Բանիեան Նայկան, Նայտա Ոսկերիչեան, Քարի Ղազարեան, Վարդիվառ Քէշիշեան եւ Խաժակ Առաքէլեան:

Happy
Happy
100 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles