ՀԱՄԱԶԳԱՅԻՆԻ 22-ՐԴ ՈՒՍԱՆՈՂԱԿԱՆ ՀԱՒԱՔ

0 0
Read Time:2 Minute, 24 Second

hamazkayin1

ԵՐԵՒԱՆ.- Շաբաթ, Յուլիս 16-ին ազդանշանը տրուեցաւ Համազգայինի 22-րդ ուսանողական հաւաքին (ֆորում):
Այս տարի Համազգայինի ուսանողական հաւաքին կը մասնակցին ուսանողներ Հայաստանէն, Արցախէն եւ սփիւռքէն` Միացեալ Նահանգներէն, Լիբանանէն, Սուրիայէն, Ռուսաստանէն, Վրաստանէն, Ֆրանսայէն, Կիպրոսէն, Շուէտէն:
15 օրերու ընթացքին համալսարանական երիտասարդները առիթ պիտի ունենան ծանօթանալու Հայաստանին` իբրեւ զբօսաշրջական երկիր եւ իբրեւ հարազատ տուն, հանդիպելու հայրենի մտաւորականներու, քաղաքական-հասարակական գործիչներու հետ, պիտի լսեն պատմամշակութային նիւթերով դասախօսութիւններ, պիտի քննարկեն հայութիւնը յուզող խնդիրներ:hamazkayin2
Ա.Մ.Ն. Արեւելեան շրջանէն երկու ուսանողներ՝ Փաթիլ Բարսեղեան եւ Ռուպինա Ոսպիկեան, կը մասնակցին այս հաւաքին:

Բացումը կատարուեցաւ Եւրոպա պանդոկին մէջ. մասնակցողներու կողքին ներկայ էին նաեւ Համազգայինի Հիմնադրամի նախագահ Լիլիթ Գալստեան եւ Համազգայինի Կեդրոնական Վարչութենէն ընկեր Վիգէն Թիւֆէնքճեան։ Բարի գալուստի խօսքով հանդէս եկաւ Լիլիթ Գալստեան, ապա իր սրտի խօսքը փոխանցեց Վիգէն Թիւֆէնքճեան, ինչպէս նաեւ հաւաքի ընթացիկ տարուան վարիչը՝ Արա Բարսեղեան։
Ճաշի սպասարկութենէն ետք, մասնակցողները ուղղուեցան դէպի Հայաստանի Պատմութեան թանգարան, ուր առիթը ունեցան ամփոփ տեղեկութիւններ ստանալու Հայաստանի մէջ յայտնաբերուած հնագոյն իրերու մասին. հետաքրքրական էր մանաւանդ տեսնել վերջերս Արենիի մէջ յայտնաբերուած հնագոյն կօշիկը, նաեւ շատ մը պատմական արժէք ներկայացնող իրեր։ Շարունակելով, երիտասարդները ուղղուեցան դէպի Սասունցի Դաւիթի արձանը, ապա՝ Մայր Հայաստանի Յուշահամալիրը, ուր կը գտնուի Մայր Հայաստան քանդակը։
Գիշերը ընկերային ջերմ ու խանդավառ մթնոլորտ մը ստեղծուեցաւ բարի գալուստի ընթրիքի սեղաններուն շուրջ. կենացներուն յաջորդեցին երգն ու պարը, որոնց մասնակցեցան բոլորը, եւ առաջին օրէն իսկ տաղանդները յայտնաբերուեցան։
Երկրորդ օրուան նիւթը հայ ճարտապետութիւնն էր։ Օրուան ընթացքին մասնակցողներուն ընկերացաւ հայ ճարտարապետութեան հանրայայտ մասնագէտներէն՝ Դաւիթ Քերթմէնճեան։hamazkayin3
Սաղմոսավանքի շուրջ, Քերթմէնճեան բացատրութիւններ տուաւ տարածաշրջանին եւ Սաղմոսավանքը իբրեւ օրինակ բերելով, հայ ճարտարապետութեան զանազան ժամանակաշրջաններուն, խաչքարերու եւ արձանագրութիւններու մասին։
Դէպի Արագած պտոյտը մեր առջեւ պարզեց հայկական լեռնաշխարհի գեղեցկութիւնը. Արագած լերան լանջին, Քարէ լիճին շուրջ բնութեան մէջ ճաշելէ ետք, եչիտասարդները ուղղուեցան դէպի Ամբերդ. միջնաբերդին շուրջն ու գագաթը իրենց ժամանակը անցընելէ ետք, սեղմ վայրկեաններու մէջ Քերթմէնճեան բացատրութիւններ տուաւ Ամբերդի կառուցման եւ տարածքը գտնուող եկեղեցւոյ մասին։
Երկուշաբթի, Յուլիս 18-ին, մասնակիցները այցելեցին Երեւանի Պետական Համալսարան, ուր ընդհանուր նախագահ ու պատմաբան՝ Դոկտ. Արամ Սիմոնեան ընդհանուր տեղեկութիւններ փոխանցեց Համալսարանին ու անոր ծրագիրներուն մասին:
Խօսք առին նաեւ Դոկտ. Լիլիթ Գալստեան, որ յիշեցուց ներկաներուն Համազգայինի յառաջացուցած հայերէնի ուսուցիչներ, կրթական մշակներ պատրաստելու մագիստրոսի ծրագիրին մասին ու Վիգէն Թիւֆէնքճեան, որ Համազգայինի անունով շնորհակալութիւն յայտնեց համալսարանին։
Այս հանդիպման յաջորդեց այցելութիւն՝ Ջիվանիի անուան աշուղական դպրոցը, ուր խումբը առիթ ունեցաւ լսելու աշուղական արուեստի մասնագէտ,եւ Ջիւանիի անուան աշուղական դպրոցի ղեկավար Թովմաս Պօղոսեանի բացատրականներն ու «Սայաթ Նովա» աշուղական խումբի հրաշալի մեկնաբանութիւնները։
Երեկոյեան խումբը ընթրեց «Այնթապ» ճաշարանէն ներս, որմէ ետք բոլորը միասին ուղղուեցան դէպի Հանրապետութեան Հրապարակ եւ ընկերային խաղերով լեցուն հաճելի երեկոյ մը անցուցին։
Այս համախմբումը իւրայատուկ առիթ մըն է աշխարհի տարբեր երկիրներու մէջ ուսանող հայ համալսարանականներուն` անոնց միջեւ կամրջում ստեղծելու, ազգային արմատներուն եւ մշակութային ժառանգութեան հաղորդակից դարձնելու:
Հաւաքին ընթացքին ուսանողները նաեւ առիթ կ’ունենան միտքեր փոխանակելու, քննարկումներ կատարելու, զիրենք յուզող հարցերուն մասին խօսելու, ծանօթանալու մէկզմէկու մտայնութեան:
Աւելի քան երկու տասնամեակ յատուկ առաքելութեամբ ուսանողները իր շուրջ համախմբող Համազգայինի ուսանողական հաւաքը բաղկացած է երեք հիմնական ուղղութիւններէ. առաջին` զբօսաշրջական, երկրորդ` այցելութիւն այնպիսի վայրեր, ուր պարզ զբօսաշրջիկ մը չի կրնար երթալ, ինչպէս` զօրամաս, պետական համալսարան, խորհրդարան, մանկատուն, երրորդ` խմբային աշխատանքի դրութիւն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԱՐՄԵՆԱԿ ՀՈՆՈԼՈՒԼՈՒ ԳԱՑԵՐ Է ԵՒ ԱՌԱԿԻ ԹԱՐԳՄԱՆԻՉ ԴԱՐՁԵՐ
Next post Համազգայինի Երիտասարդական Ցանցի Անմոռանալի Հաւաքը՝ Քէպէքի մէջ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles