Հաղորդագրութիւն

0 0
Read Time:1 Minute, 1 Second

 

Սիրելի հայրենակիցներ,

Անցնող երկու ամիսներու ընթացքին ականատես եղանք մեր Հայոց պատմութեան ամէնաթէժ վերիվայրումներուն՝ Արցախեան գոյապայքարի երրորդ պատերազմ, հազարաւոր նահատակներ ու անյայտ կորածներ, տասնեակ հազարաւոր տեղահանուածներ եւ այս բոլորին վրայ հասաւ տխրահրչակ ստրկացուցիչ համաձայնագիր մը, վարչապետի միակողմանի որոշումով, մեր պատմական հայրենիքի, Արցախի շրջանի եօթանասուն առ հարիւրի յանձնումը:

Իբրեւ Հ.Մ.Ը.Մ.-ական կամաւոր բանակի անդամներ, մեզի համար հայրենիքն ու ազգը ամէն բանէ վեր է. Անցնող հարիւր եւ երկու տարիներու ընթացքին, միութիւնս դաստիարակեց սերունդներ եւ տակաւին կը շարունակէ պատրաստել ազգասէր եւ հայրենանուէր hայորդիներ:

Պատերազմի առաջին օրէն միւթիւնս իր բոլոր կարողականութեամբ նախաձեռնեց զանազան հանգանակային միջոցառումներ, նիւթապէս եւ բարոյապէս օժանդակելու համար մեր հայրենիքին, ուր մեր քոյրերն ու եղբայրները անմասն չմնացին եւ ի պահանջեալ հարկին՝ ունեցանք նաեւ նահատակներ:

Հ.Մ.Ը.Մ.-ի Արեւելեան Միացեալ Նանանգներու Շրջանային Վարչութիւնս իր անդամներով սոյն հաղորդագրութեամբ կը յայտնէ իր ցասումը եւ մտահոգութիւնը մեծաթիւ նահատակներու եւ անյայտ կորածներու ճակատագրին մասին, ինչպէս նաեւ վերոնշեալ համաձայնագրի կործանարար հետեւանքներուն մասին:

Կը ցաւակցինք մեր նահատակներու պարագաներուն, կը մաղթենք ապահով վերադարձ բոլոր անյայտ կորածներուն:

Մենք մեր հայրենիքին եւ ժողովուրդին կողքին էինք, կողքին ենք եւ պիտի մնանք. միշտ յուսալով աւելի լաւ ապագայ, ուր բարւոք հանգուցալուծումի կը հանգին պայմանագրի ստեղծած անել կացութեան առնջութեամբ:

Ի դիմաց

Հ.Մ.Ը.Մ.-ի  Արեւելեան Ա.Մ.Ն. շրջանային վարչութիւն

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles