ՀԱՂՈՐԴԱԳՐՈՒԹԻՒՆ.- Հ.Մ.Ը.Մ.Ի 100ԱՄԵԱԿԻՆ ՆՈՒԻՐՈՒԱԾ՝ ՀԱՄԱ-Հ.Մ.Ը.Մ.ԱԿԱՆ 10ՐԴ ՄԱՐԶԱԽԱՂԵՐ 20 Յուլիսէն 29 Յուլիս 2017 Երեւան, Հայաստան

0 0
Read Time:1 Minute, 44 Second


Հ.Մ.Ը.Մ.ի Կեդրոնական Վարչութեան նախաձեռնութեամբ տեղի ունեցող համա-Հ.Մ.Ը.Մ.ական մարզախաղերը սպասուած եւ միշտ յաջողութեամբ պսակուող աւանդութիւն մըն են Հ.Մ.Ը.Մ.ի պատմութեան մէջ, ուր հարիւրաւոր Հ.Մ.Ը.Մ.ականներ, աշխարհի չորս ծագերէն, կը մէկտեղուին մրցելու, բարեկամանալու եւ իրենց հայկականութիւնը զօրացնելու համար։ Մարզախաղերը տեղի կþունենան չորս տարին անգամ մը, Հ.Մ.Ը.Մ.ի մասնաճիւղ ունեցող տարբեր երկիրներու մէջ։
Հ.Մ.Ը.Մ.ի 99ամեայ պատմութեան մէջ երրորդ անգամ ըլլալով, համա-Հ.Մ.Ը.Մ.ական 10րդ մարզախաղերը տեղի պիտի ունենան Երեւան, Հայաստանի մէջ, Յուլիս 20էն 29, 2017ին։ Սոյն մարզախաղերը նուիրուած են Հ.Մ.Ը.Մ.ի 100ամեակին։
Մարզախաղերուն պիտի մասնակցին մօտաւորապէս 900 մարզիկներ, որոնք Երեւանի մէջ պիտի համախմբուին՝ ժամանելով աշխարհի զանազան երկիրներէ, իրենց հայրենի հողին վրայ մրցելու եւ անոր հանդէպ իրենց ունեցած սէրն ու կարօտը յագեցնելու համար։
Մարզախաղերը պիտի ընդգրկեն հետեւեալ մարզաձեւերը.-
 Տղոց եւ աղջկանց պասքեթպոլ
 Կրտսեր տղոց եւ աղջկանց պասքեթպոլ
 Տղոց եւ աղջկանց անհատական ճատրակ
 Տղոց ֆութպոլ
 Աղջկանց վոլիպոլ
 Տղոց եւ աղջկանց ֆութսալ
 Տղոց եւ աղջկանց աթլէթ
 Տղոց եւ աղջկանց թենիս
 Տղոց եւ աղջկանց փինկ-փոնկ
 Տղոց եւ աղջկանց լող

Համա-Հ.Մ.Ը.Մ.ական մարզախաղերը լաւագոյն ձեւով իրագործելու եւ Հ.Մ.Ը.Մ.ի մասին հայրենի ժողովուրդին աւելի լայն ծանօթութիւն տալու համար, նկատի առնուած է բացման հանդիսութիւն մը՝ ,Հանրապետութեանե հրապարակի վրայ, որուն պիտի հրաւիրուին պետական ու միութենական անձնաւորութիւններ, ինչպէս նաեւ հանրութիւնը։ Տեղի պիտի ունենայ տողանցք՝ մարզիկներու մասնակցութեամբ եւ աւարտին, երգահանդէս-փառատօն մը Հայաստանէն եւ Սփիւռքէն հրաւիրուած երգիչներու մասնակցութեամբ։
Մարզախաղերու մասնակից մարզիկներն ու յանձնախումբերու անդամները Ծիծեռնակաբերդ այցելութեամբ յարգանքի իրենց տուրքը պիտի մատուցեն Ցեղասպանութեան զոհերու յիշատակին։ Մասնակիցներուն համար նկատի առնուած է նաեւ յատուկ դաստիարակչական ծրագիրներ ու նաեւ հանրային ծառայութեան աշխատանքներ։
Հայրենի հողին վրայ տեղի ունեցող Համա-Հ.Մ.Ը.Մ.ական 10րդ մարզախաղերը իրենց աւարտին պիտի հասնին Յաղթանակի ճաշկերոյթ-պարահանդէսով, պաշտօնական անձնաւորութիւններու, հիւրերու եւ մարզիկներուն ներկայութեամբ։ Մարզիկներ, մարզիչներ, պատասխանատուներ պիտի վերադառնան իրենց երկիրները, իննօրեայ անմոռանալի պահերէ ետք, Հայաստանի հանդէպ իրենց յանձնառութիւնը վերանորոգած եւ կրկին ու կրկին հայրենի հողին վերադառնալու կարօտով լեցուն։
Համա-Հ.Մ.Ը.Մ.ական 10րդ մարզախաղերու կապուած տեղեկութիւններու համար կրնաք կապուիլ office@homenetmen.org ե-նամակի հասցէին։

Հ.Մ.Ը.Մ.Ի
ԿԵԴՐՈՆԱԿԱՆ ՎԱՐՉՈՒԹԻՒՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԱՐԴԱՐՈՒԹԵԱՆ ՃԱՄԲԱՅ ԲԱՑԷ՛Ք…
Next post ՆԻՒ ՃԸՐԶԻ.- ԶՐՈՅՑ-ԲԱՆԱՎԷՃ՝ «ԱՐՑԱԽԻ ՔԱՌՕՐԵԱՅ ՊԱՏԵՐԱԶՄՆ ՈՒ ՀԵՏԵՒԱՆՔՆԵՐԸ»

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles