0
0
Զանազան թանգարաններու մէջ, նաեւ յատուկ գիտաժողովներու ընթացքին, այս տարուան ընթացքին, նշուեցաւ հայ տպագրութեան 500-ամեակը: Հայ թէ օտար ընտրանին, այս հանդիսութիւններով, իր յարգանքի տուրքը մատուցեց հայ ժողովուրդի փայլուն դէմքերէն մէկուն` Յակոբ Մեղապարտին, ասկէ 500 տարի առաջ, անդրանիկ հայ տպագիր գիրքը հրատարակած ըլլալուն առիթով: Նոյնիսկ Պենետիքթոս Պապը վերջերս այցելեց Լիբանան եւ պատմական Զմմառու Վանքին մէջ կատարեց նոյնինքն Յակոբ Մեղապարտի արձանի բացման արարողութիւնը: Սակայն այդ սրբատեղիէն ոչ շատ հեռու, Հալէպի հրկիզուած Սուրբ Գէորգ եկեղեցւոյ այս հրոյ ճարակ դարձած հայերէն աղօթագիրքը, անկասկած որ սրտաճմլիկ կացութիւն կը ստեղծէ եւ գոյժ կը սփռէ: Սուգի մէջ է հայորդին, հայ գիրքն ու մշակոյթը:
