Գլխաւոր
ՀԱԼԷՊ…ՊԱՇԱՐՄԱՆ ՏԱԿ
Հալէպի վիճակը կը շարունակէ մտահոգութիւն ստեղծել: Այսօր շատ աւելի ուժգին դարձած է ահազանգը:
Այնպիսի կացութիւն մը ստեղծուած է որ, Սուրիոյ երբեմնի տնտեսական մայրաքաղաքը կը գտնուի սնունդի եւ վառելանիւթի պաշարման մէջ:
Սակայն հակառակ այդ ամէնուն, հալէպահայութիւնը կը շարունակէ կառչած մնալ իր աւանդութիւններուն:
Վերջին շաբաթներուն, Սուրիոյ նահանգներէն դէպի Հալէպ ելքն ու մուտքը փակ է: Սնունդի հարցին մէջ մեծագոյն խնդիրը ալիւր ձեռք բերելն է, փակ են գրեթէ բոլոր հացատուներն ու փուռերը: Դեռ աւելին, բժիշկներն ալ պակսած են քաղաքէն ներս…նաեւ շտապ բուժման դեղերն ու պիտոյքները:
