ՀԱԼԷՊԻ ԵՒ ՔԵՍԱՊԻ ՇՈՒՐՋ` ՎԻՃԱԿԸ ՎԱՏԹԱՐԱՑԱԾ

0 0
Read Time:55 Second

 

haleb bomb  Հալէպի մէջ կը շարունակուին զինուորական բախումները:  Զինեալ խմբաւորումներ կը շարունակեն ռմբակոծել, յատկապէս Նոր Գիւղ շրջանը` մարդկային եւ նիւթական լուրջ վնասներ հասցնելով բնակչութեան: Արձանագրուած են հայ եւ տեղացի վիրաւորներ, զոհեր:

Միւս կողմէ, Լաթաքիոյ Նապային շրջանին եւ Քեսապի հիւսիսային շրջաններուն մէջ, շաբաթավերջին սաստիկ մարտեր տեղի ունեցած են կառավարութեան համակիր եւ իսլամ ծայրայեղական ուժերուն միջեւ:

Թրքական կողմը կը շարունակէ օժանդակել զինեալ խմբաւորումներուն, որոնք թրքական տարածքներէն մուտք կը գործեն սուրիական հողեր:

Ընդդիմադիրները Լաթաքիոյ հիւսիսը քանի մը կարեւոր կէտեր գրաւած են: Իսկ կառավարական ուժերը կեդրոնացած են Պասիթ գիւղին մէջ եւ կը ռմբակոծեն Քեսապի ուղղութեամբ:haleb bomb2

Նշենք թէ, Ապրիլ 11ին, “Սիվիլնեթ“ը շարք մը վստահելի աղբիւրներէ հաստատած է, որ Գէորգ Ճուրեան` Բաբգէն եւ Նուարդ Ճուրեաններու որդին, սպաննուած է սուրիական զինեալ ընդդիմադիրներու կողմէ` Քեսապ մնացած հայերուն մօտ զէնքեր փնտռելու գործողութեան մը ընթացքին: Սպանութիւնը տեղի ունեցած է Քեսապի մէջ, երբ գլխաւորաբար տարեցներէ բաղկացած խումբը կը տեղահանուէր դէպի Թուրքիա: 23-ամեայ Գէորգ Ճուրեանի ծնողները, հօրեղբայրները եւ մեծ մայրը, 21 հոգինոց խումբի մը հետ տեղափոխուած էին Վաքըֆլը, ուր տեողւոյն հայ համայնքի ներկայացուցիչները դիմած են Թուրքիոյ իշխանութիւններուն, որ յայտնաբերուին եւ ազատ արձակուին այն հայերը, որոնք, հաւանաբար, տակաւին կը գտնուին իսլամ ծայրայեղական զինեալ խումբերու մօտ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles