ԿՐԿԻՆ ՍԵՂԱՆԻ ՎՐԱՅ Է… ԱՐՑԱԽԻ ՀԻՄՆԱՀԱՐՑԸ

0 0
Read Time:1 Minute, 45 Second

khemp

ՀԱՅՐԵՆԻՔ

Մարտ 21, 2016

Խմբագրական

Ժամացոյցի դէմ մրցում մըն է, որ կը կատարուի Արցախի հիմնահարցի առնչութեամբ: Գաղտնի եւ դռնփակ հանդիպումներ…մէկ կողմէն՝ Մոսկուա – Երեւան եւ միւս կողմէն՝ Մոսկուա – Պաքու, եւ այդ ալ քանի մը հանգրուանով եւ տարբեր մակարդակի: Ի՞նչ է այս հանդիպումներուն մարաթոնին պատճառը, որուն մէջ երեք երկիրներն ալ առաջնահերթ դեր ունին:
Առաջին հերթին, տեղին է ամփոփ կերպով ներկայացնել այս հանդիպումներու շարանին յայտագիրն ու խօսակցութիւններու միտք բանին:
Վերջերս, Մոսկուայի մէջ կայացաւ Փութին – Սարգսեան հանդիպումը, ուր ամենայն մանրասնութեամբ քննարկուեցան Արցախի սահմանամերձ շրջանէն ներս տիրող պայթուցիկ կացութիւնը: Այս հանդիպման լոյսին տակ, եւ բաւական մը քննարկումներ կատարուելէ ետք, յառաջիկայ ամսուայ սկիզբները Ռուսաստանի Արտաքին Գործոց նախարար՝ Սերգէյ Լավրովը պիտի այցելէ Պաքու, իր պաշտօնակից՝ Էլմար Մահմետովի հետ քննարկելու համար Արցախի հիմնահարցը:
Մինչ այդ, նախքան այս հանդիպումը, հաւանական է, որ կատարուի այս տարուայ առաջին Երեւան – Պաքու հանդիպումը, այդ ալ Ուաշինկթընի մէջ, միջուկային անվտանգութեան խորհրդաժողովին առթիւ: Արդարեւ, երկու նախագահներն ալ՝ Սարգսեան եւ Ալիեւ ներկայ պիտի ըլլան այդ խորհրդաժողովին եւ բնականաբար առիթը պիտի ըլլայ ստեղծելու…ապարդիւն եւ պարզապէս «փրոթոքոլային» բնոյթ ունեցող հանդիպում մը:
Ներկայ գոյավիճակով երբեք գոհ չթուիր ըլլալ Պաքուն, եւ յատկապէս նկատելով ռուսական ուժերու մասնակի հրաժեշտը Սուրիայէն, յարմար նկատած է խաղաքարտերը կրկին սեղանի վրայ բերել եւ վերատեսութեան ենթարկել կացութիւնը: Մահմետիարով բազմիցս կը կրկնէ թէ ներկայ գոյավիճակը ի վնաս իր պետութեան շահերուն է, շարունակ յայտնելով թէ Հայաստան գրաւած է ատրպէյճանական տարաշրջաններ եւ անպայման որ Պաքուին վերստին պէտք է որ յանձնուին գրաւուած բոլոր հողաշերտերը:
Հոս, անգամ մը եւս վերատեսութեան ենթարկելով հանդիպումներու յայտագիրը, պէտք է նշել թէ Մոսկուայի մէջ կատարուած Փութին – Սարգսեան հանդիպումէն մօտ շաբաթ մը առաջ՝ Մարտ 3-ին, Ռուսաստանի փոխ-վարչապետ Տմիթրի Ռոկոզինը այցելեց Պաքու եւ վերստին հաստատեց Ատրպէյճանի սպառազինման բնագաւառէն ներս ամբողջական համագործակցութիւնը:
Ուաշինկթընի մէջ կատարուելիք Սարգսեան – Ալիեւ հանդիպումին ոչ մէկ յիշատակելի նորութիւն կամ փոփոխութիւն կարելի է սպասել: Այսպէս, ռազմաճակատներուն նման, գրասեղաններուն շուրջ ալ, գոյավիճակը պիտի շարունակուի: Մոսկուան ալ այս գծով քաջատեղեակ է եւ արտաքին գործոց նախարարութիւնը ամերիկեան նախաձեռնութիւնը ձախողեցնելու կամ չէզոքացնելու ոչ մէկ տրամադրութիւն ունի, քաջատեղեակ ըլլալով թէ, պարզապէս երկու թշնամի երկիրներու ղեկավարներ պիտի հանդիպին եւ զրուցեն…վասն ոչինչի:
Սակայն, մտահոգիչ երեւոյթը այն է որ, թէ՛ Պաքու եւ թէ՛ Երեւան շարունակ կը սարքաւորուին արդի զինուորական եւ ռազմագիտական կազմուածներով: Մատակարարողն ալ միեւնոյն աղբիւրն է…:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles