ԿՈՉ

0 0
Read Time:1 Minute, 39 Second

artsakh hom
Արցախի Հանրապետութեան խաղաղ բնակչութեան դէմ Ատրպէյճանի շղթայազերծած վայրագ յարձակման յաջորդող , նոյն ինքն նախայարձակ կողմէն առաջարկուած զինադադարէն ետք, Ապրիլ 10-ին կայացած ռազմի դաշտին վրայ ինկած զինուորներու դիակներու փոխանակումը յայտնաբերեց սարսռեցուցիչ իրականութիւն մը։
Միջազգային Կարմիր Խաչի եւ Արցախեան հարցի խաղաղ լուծման հետ առնչուող պաշտօնատարներու ներկայացուցիչներուն հովանաւորութեամբ կատարուող այս սրտաբեկ արարողութեան ընթացքին յայտնի եղաւ, թէ փոխանակուած18 հայ զինուորներու դիակները անասելի խոշտանգումներու ենթարկուած էին ազերի ոճրապարտ բանակայիններու կողմէ։
Այս անմարդկային արարքները կ՚անարգեն քաղաքակիրթ մարդկայնութեան հիմնական օրէնքներն ու սկզբունքները իրենց գազանային նկարագրով։ Արդարեւ, կանխելու համար նմանօրինակ աներեւակայելի ոճիրներ, տասնամեակներու ընթացքին, միջազգային օրէնսգէտներ հաստատած են օրէնքներ ու կանոններ որոնք որպէս դաշնագիր՝ պարտադիր կը մնան յաչս քաղաքակիրթ երկիրներու իշխանութիւններուն. ասոնցմէ են 1949-ի Բարելաւում ռազմաճակատի վիրաւոր եւ հիւանդ զինեալ ուժերու վիճակին օրինակարգը, Գերիներու հանդէպ վերաբերմունքի Ժընեւի համաձայնագիրը, եւ, նոյնպէս Ժընեւի, Միջազգային զինեալ բախումներու զոհերուն առընչուող դաշնագիրը, յաւելեալ օրինակարգով Ժընեւի Օգոստոս 12, 1949-ի, վերեւ յիշուած Միջազգային զինեալ բախումներու զոհերուն առընչուող դաշնագրին, եւ Միացեալ Նահանգներու Լիհի ռազմաճակատի զինուորներու իրաւունքներու պաշտպան Լիհի անուանակոչուած օրէնքին։
Հայ Օգնութեան Միութիւնը, որպէս մարդասիրական հայկակա՛ն կազմակերպութիւն, միաժամանակ որպէս տարիներէ ի վեր գործունեայ անդամ Մ.Ա.Կ.-ի Տնտեսական եւ ընկերային յանձնաժողովին, ջատագով Մ.Ա.Կ.-ի Մարդկային իրաւանց տիեզերական յայտարարութեան ու սկզբունքներուն, չի կրնար անտարբեր մնալ ի տես ազէրի հորդաներու կողմէ խաղաղ բնակչութիւններու եւ պատւոյ դաշտի վրայ ինկած զինուորներու դիակներուն վրայ գործադրուող անմարդկային արարքներու։
Այսու, խստօրէն կը դատապարտենք Ատրպէյճանի կողմէ ի գործ դրուած պատերազմական ոճիրները եւ կը հրաւիրենք բոլո՛ր քաղաքակիրթ երկիրներու իշխանութիւնները հաշիւ պահանջելու նախայարձակ պետութենէն որ, մի քանի օրուայ մէջ, անպատկառօրէն, օր ցերեկով յաջողած է իրականացնել մարդկային ամենատարրական օրէնքներու խախտումներու ամօթալի շարան մը։։
Հասնելու համար Արցախի սահմանամերձ վհասուած գօտիներու տնաւեր բնակչութեան կարիքներուն, Հայ Օգնութեան Միութիւնը այժմ կը դիմէ մեր ժողովուրդին սատար կանգնելու Հ.Օ.Մ.-ի Արցախի Օգնութեան դրամահաւաքին, տալով իրենց առաւելագոյնը՝ ի խնդիր վսեմօրէն խիզախ Արցախի աւերեալ շրջաններու շուտափոյթ վերակառուցման։
Նուիրատութիւններու համար այցելել www.ars1910.org կամ ձեր նուիրատութիւններ ուղարկել ARS CEB Office, 80 Bigelow Ave. #300, Watertown, MA 02472. Միացեալ Նահանգներէ դուրս կապ հաստատել ձեր շրջանի Հ.Օ.Մ.-ի միաւորին հետ:
ՀԱՅ ՕԳՆՈՒԹԵԱՆ ՄԻՈՒԹԵԱՆ, ԿԵԴՐՈՆԱԿԱՆ ՎԱՐՉՈՒԹԻՒՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles