Լիբանանի մէջ կայանալիք երեսփոխանական ընտրութիւններու սկզբունքային թուական ճշդուած է Մայիս 6, 2018 թուականը։ Լիբանանի խորհրդարանի որոշումով, այս ընտրութիւններուն, առաջին անգամ ըլլալով, արտասահման ապրող բոլոր լիբանանցիները պիտի կարենան քաղաքացիական իրենց պարտականութիւնը կատարել՝ բնակած վայրերուն կամ ամէնամօտակայ շրջաններուն մէջ:
Լիբանանի Արտաքին գործոց եւ Արտերկրի լիբանանցիներու նախարարութեան որոշումով՝ մինչեւ Նոյեմբեր 20, 2017 պիտի կատարուի արտերկրի լիբանանցի քուէարկողներու ելեկտրոնային արձանագրութիւն եւ այդ ճամբով ապահովուի անոնց քուէարկելու իրաւունքը՝ քուէարկութեան օրը։ Արձանագրուելու համար պէտք է այցելել Լիբանանի Արտաքին գործոց նախարարութեան համապատասխան կայքէջ https://diasporavote.mfa.gov.lb/
Ա.Մ.Ն. Արեւելեան Շրջանի ընտրական յանձնախումբը պատրաստ է ամէն գնով օգտակար դառնալու մեր ազգայիններուն որպէսզի արձանագրուին տուեալ ժամկէտէն առաջ։ Կը խնդրենք մեր ազգայիններէն կապուիլ ընտրական յանձնախումբի անդամներուն.-
Հեռ.-
Յարութ Գարակէօզեան 781 609 8188
Գէորգ Ապտալեան 617 538 6788
Իշխան Սաղպազարեան 781 609 8327
Ել-նամակ.- blebanon2018@gmail.com
Հասցէ.- «Հայրենիք»ի Շէնք
80 Bigelow Ave,
Watertown, MA 02472
Կոչ կ՚ուղղենք Արեւելեան շրջանի բոլոր լիբանանահայերուն արձանագրուին ու ապա Մայիսին քուէարկեն մեր իրաւունքներու տէր կանգնող մեր քուէացանկին։
Լիբանանահայ Ընտրական Յանձնախումբ
