Կոչ՝ Հայոց Ցեղասպանութեան 100ամեակին  Առթիւ

0 0
Read Time:58 Second

hom-ars 

Հակառակ հարիւր տարի առաջ կատարուած Ցեղասպանութեան աւերածութեան եւ հայու ամենօրեայ կեանքի քանդումին, այսօր հայ հաւաքականութիւններ աշխարհի բոլոր ծագերուն, կը փաստեն իրենց կամքի ուժով կերտուած ազգային կառոյցներուն, դպրոցներուն, եկեղեցիներուն, եւ անհամար այլ շինութիւններու իրականութեամբ, թէ ձախողած է ցեղասպանին նպատակը ընդմիշտ վերացնելու հայութիւնը՝ իր պատմութեամբ, իր ժողովուրդով, եւ հայրենիքով:

Տէր Զօրի անապատներէն կեանք առած ժողովուրդը, այսօ՛ր հայկական ապրող իրականութեան որպէս մէկ անբաժան մարմին, Հայաստանի անկախ երկնքի տակ ապրող հայութեան հետ, ձեռքձեռքի ազգային քաղաքական վերազարթնումի շրջան մըն է որ կը բոլորէ:

Այսօր, քաղաքական միջազգային զարգացումներուն մեր մասնակցութիւնը բերելով, անգամ մը եւս կը փաստենք, թէ որքա՜ն նոր կարելիութիւններ կարողացանք ստեղծել, որպէս մշակութային եւ քաղաքական ուժ: Հայոց Ցեղասպանութեան յիսնամեակի համազգային յուշատօնը նոր դարաշրջան մը բացաւ հայութեան առջեւ, ուր ցեղասպանութեան զգացական ու ծիսական էութիւնը վերածուեցաւ քաղաքական եւ դիւանագիտական աշխատանքի: Որպէս հետեւանք այս իրողութեան, ներկայիս ո՛չ միայն կը յիշենք, այլ ազգովին կը պահանջե՛նք:

Կը պահանջենք մեր բոլո՛ր իրաւունքները ի խնդիր մեր արդար դատի վերջնական լուծման, հակառակ Թուրքիոյ եւ անոր զինակից պետութիւններու վարած ուրացման քաղաքականութեան:

Կրկի՛ն, իբրեւ հաւաքական ուժ, մեր պարտքն է շարունակել մեր պահանջատիրական պայքարը յանուն մեր նահատակներուն եւ անոնց դաժանօրէն ընդհատուած եւ քանդուած բոլո՛ր երազներուն իրականացման:

 

ՀԱՅ ՕԳՆՈՒԹԵԱՆ ՄԻՈՒԹԵԱՆ

ԿԵԴՐՈՆԱԿԱՆ ՎԱՐՉՈՒԹԻՒՆ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles