ԿԱՐԷՆ ՊԵՏՐՈՍԵԱՆԻ ՄԱՀՈՒԱՆ ԳԾՈՎ ՅԱՒԵԼԵԱԼ ՔՆՆՈՒԹԻՒՆ ԿԱՏԱՐԵԼՈՒ ԿՈՉ

0 0
Read Time:51 Second

garen BEDROSIAN2  ՈՒԱՇԻՆԿԹԸՆ.- Միացեալ Նահանգներու Արտաքին Գործոց նախարարութիւնը խորապէս մտահոգուած են Ատրպէյճանի գերութեան մէջ Հայաստանի քաղաքացի Կարէն Պետրոսեանի մահուան եւ այն պնդումներուն վերաբերեալ հաղորդագրութիւններով, որ անոր մահը անբնական պատճառներով եղած է:

Յատուկ հաղորդագրութեամբ մը, Արտաքին Գործոց նախարարութիւնը կը տեղեկացնէ թէ .- “Մենք կը յիշեցնենք Ատրպէյճանի եւ Հայաստանի կառավարութիւններուն իրենց պարտաւորութիւնները ըստ միջազգային մարդասիրական օրէնսդրութեան, յատկապէս գերիներուն նկատմամբ մարդկային վերաբերմունք ցուցաբերելու յանձնառութիւնը: Կոչ կ՛ուղղենք նաեւ երաշխաւորելու Կարմիր Խաչի միջազգային կոմիտէի մուտքը` տագնապին պատճառով ձերբակալուածներուն մօտ:…Միացեալ Նահանգները անկեղծ ցաւակցութիւն կը յայտնեն Պետրոսեանի ընտանիքին“:
Տաւուշի մարզի Չինարի գիւղի բնակիչ 31-ամեայ Կարէն Պետրոսեանը գերեվարուած էր Օգոստոս 7-ին, Ատրպէյճանի Աղբուլաղ գիւղին մէջ:
Ատրպէյճանի Պաշտպանութեան նախարարութիւնը հրապարակած էր տեղեկութիւն մը, ըստ որուն, քանի մը օր առաջ գերեվարուած Կարէն Պետրոսեան “յանկարծամահ եղած է“:
Ազերի լրատուամիջոցները հայորդին իբրեւ քաղաքացիական անձ կը ներկայացնէին, եւ հրապարակուած էին նաեւ գիւղացիին լուսանկարները, մինչ տեսանիւթին մէջ, ան կը ներկայացուէր իբրեւ հետախոյզ, իսկ գիւղացիին հագուստը փոխարինուած էր զինուորական հագուստով եւ կօշիկներով:
Հայաստանի Արտաքին Գործոց նախարարութիւնը այս պատահածը պարզապէս խայտառակութիւն անուանեց եւ պնդեց, որ Ազրպէյճան կը շարունակէ խախտել միջազգային հռչակագիրներու շարք մը:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles