ԿԱՆԱՆՑ ՕՐՈՒԱՆ ԱՌԹԻՒ.- ՆՈՒՐԲ ՁԵՌՔԵՐԸ, ՍՈՒՐԲ ՁԵՌՔԵՐԸ…

0 0
Read Time:1 Minute, 35 Second

khempakragan

ՀԱՅՐԵՆԻՔ

Խմբագրական

“Քար են քաշել, սար են շրջել այս ձեռքերը`

Նուրբ ձեռքերը, սուրբ ձեռքերը…“

Պարոյր Սեւակ

Համաշխարհայնացման մէկ այլ ժխտական երեւոյթներէն մէկն է “Կանանց Միջազգային Օր“ հասկացողութիւնը: Իմաստը փոփոխութեան ենթարկուած է: Բնականաբար, Հայաստանի մէջ ալ կատարուած է այս եղափոխութիւնը: Այսպէս կնամեծարութեան բացառիկ տօնի վերածուած է Մարտ 8-ը, որ արձակուրդի օր ըլլալու կողքին, նաեւ` կանացի գեղեցկութեան նուիրուած խանդաղատանքի տօնի վերածուած է:…Եւ երբեմն այնքան մը յար եւ նման եղած է շինծու այլ տօներու եւ տօնակատարութիւններու, որ աժան ու թեթեւ կրպակի առեւտուրի վերածուած է…քանի մը շաբաթ առաջուայ Փետրուար 14-ի սիրահարուածներու շարունակութիւնը նկատուելով:

Այս հասարակ եւ մակերեսային հասկացողութեամբ չէ որ կը նշուի “Կանանց Միջազգային Օր“ը, այլ աշխարհ բնագաւառի մարդկային հասարակութեանց մէջ կնոջ տնտեսական, քաղաքական եւ ընկերային ազատագրումին զօրակցելու գաղափարական խորհուրդն է այդ օրը:

Հակառակ ասոր, Հայաստանի մէջ ոչ միայն մեծ խանդավառութեամբ կը նշուի կանաց այս օրը, այլ նոյնիսկ Հայաստանի Ազգային ժողովի որոշումով, պետական տօներու շարքին աւելցած է, որպէս Կանանց միջազգային օր, միեւնոյն ժամանակ պահելով նաեւ նախապէս հաստատուած Ապրիլ 7-ի տօնը` որպէս “Մայրութեան եւ Գեղեցկութեան Օր“:

Դժբախտաբար, Խորհրդային Միութեան օրերուն…կանայք փափկասունք օգտագործուեցան եւ պոլշեւիկեան հովանիին տակ վերածուեցան քարոզչական լծակներու:

Ամէնէն աւելի կանանց իրաւունքներու համար պայքարող անձն անգամ այս գծով կրնայ քաջատեղեակ չըլլալ թէ, կանանց տօնին ծննդոցը կատարուած է Դանիոյ մայրաքաղաք Քոփենհակընի մէջ, Օգոստոս 1910-ին կատարուած Ընկերվարական Երկրորդ Միջազգայնականի ընթացքին: Դեռ ժամացոյցին սլաքը աւելի առջեւ պէտք է որ տանիլ եւ անդրադառնալ փոխադրուելով Նոր Աշխարհ` Նիւ Եորք, ուր 1905-ին, հիւսուածեղէնի գործարանի մը մէջ աշխատող կիներ, յանուն աշխատանքի պայմաններու եւ աշխատավարձերու բարելաւման, յանդգնօրէն գործադուլի դիմեցին եւ բողոքի ցոյցեր կատարեցին իրենց իրաւունքներու  պաշտպանման համար:

…Միայն վերջին տասնամեակներուն յատկապէս ընկերվարական եւ ժողովրդավարական կողմնորոշում ունեցող կուսակցութիւններու անդամ իգական գործիչներն ու կանացի միաւորները առաջնահերթաբար իրենց պատկանած կուսակցութիւններէն սկսան պահանջել, թէ՛

 “Կանանց Միջազգային Օր“ը`  անհաւասարութեան ու խտրականութեան ջնջման ի խնդիր կատարուած պայքար մըն է, որ ցայսօր կը շարունակուի աշխարհի զանազան երկիրներէ ներս:

Ի վերջոյ…“Քար են քաշել, սար են շրջել այս նուրբ ու սուրբ ձեռքերը…“, ինչպէս կը նշէ հայոց բանաստեղծը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles