ԾԱԳՈՒՄԷՍ ԾԱԳԱԾ ԶՐՈՅՑ

0 0
Read Time:1 Minute, 29 Second
h bogosian
Տէր Խաչատուր Պօղոսեան
Նիս
Փետրուար 5, 2016
– Ձեր ծագումը ի՞նչ է:
– Հա՛յ:
– Բայց…
– Ի՛նչ բայց:
– Սեւ հագուած էք:
– Սեւ հագուիլս ի՞նչ կապ ունի ազգութեանս հետ: Դուք ալ սեւ փողկապ դրած էք:
– Բայց, ե՛ս կ’աշխատիմ, գործիս համար է:
– Շատերը սեւ կը հագուին:
Յայտնի էր որ պատասխանս չգոհացուց ճաշարանին այս սպասեակին, որուն առաջին անգամ ըլլալով էր որ կը հանդիպէի:
– Բայց, ձեր շապիկը սե՛ւ է. դուք եկեղեցակա՞ն էք,- հարցուց:
– Այո՛:
– Ո՞րն է ձեր եկեղեցին:
– Բոլորն ալ իմ եկեղեցիներս են:
Այս սպասեակը համակրելի շեշտ մը ունէր, եւ մարդամօտ կ’երեւէր:
Երբ հաշուետոմսս բերաւ, տակաւին չգոհացած հոգին՝ իր հարցերուն պատասխաններուն կարիքն ունէր:
– Դուք կ’օրհնէ՞ք,- հարցուց:
– Այո՛, անշուշտ կ’օրհնեմ,- պատասխանեցի:
– Քանի՜ տարի է որ ե՛ս չեմ օրհնուած գիտէ՞ք,- ըսաւ եւ աւելցուց,- Շա՛տ մեղքեր գործած եմ:
– Ամէն մարդ մեղք կը գործէ, ես ալ մեղք կը գործեմ: Ձկնորսներն ալ ամէն օր ձուկ կը բռնեն, մեղք կը գործեն: (Ֆրանսերէնի մէջ ԲԵՇԷ բառը տարբեր ուղղագրութիւններով երկու երկու տարբեր բաներ կը նշանակէ. մէկը՝ ՄԵՂՔ եւ միւսը՝ ՁՈՒԿ ՈՐՍԱԼ:) Ձկնորսները յիշեցի՝ որովհետեւ սրճարանը նաւահանգիստին ճիշդ դիմացն էր:
Սպասեակը խնդաց, յայտնի էր որ հաւնած էր մեղքին եւ ձկնորսութեան գաղափարներուն զուգորդութիւնն ու բաղդատութիւնը:
– Ինծի համար մե՛ծ պատիւ մըն է որ իմ ճաշարանս եկեղեցական մը եկեր է,- ըսաւ:
– Ես ալ շնորհակալ եմ ձեր ազնիւ խօսքերուն համար, պատասխանեցի: 
Յետոյ, գնաց իրմէ աւելի երիտասարդ երկու պաշտօնակիցներուն զեկուցեց մեր ունեցած խօսակցութեան մասին:
Երբ կը մեկնէի, սպասեակը եկաւ ցտեսութիւն ըսելու:
– Ինչպէ՞ս էր ձեր գործի եղանակը, հարցուցի:
– Միջա՛կ. մարդիկ կու գան, բայց դրամ չեն ծախսեր: Չորս հոգիով մէկ բիցցա կ’ապսպրեն, եւ, ջուր կը խմեն:
– Դուք ալ՝ կու տա՛ք…:

– Այո՛, հապա ի՞նչ պիտի ընենք, ժամանակները դժուար են, մարդիկ վաղուան մասին մտահոգ են…:

Խորհեցայ որ ըսածը ճիշդ էր, չնայած որ ժամանակները մի՛շտ ալ դժուար եղած են մարդոց համար։
Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles