ԵՐԵՒԱՆ.- Հոկտեմբեր 21ին Լրագրողներու 8-րդ համահայկական համաժողովին ազդանշանը տրուեցաւ: Ժողովականները շնորհակալութիւն յայտնեց սփիւռքի նախարարութեան, նախարար Հրանուշ Յակոբեանին սփիւռքի լրատուամիջոցներուն նկատմամբ ցուցաբերած ուշադրութեան, սերտ համագործակցութեան եւ նմանօրինակ համաժողովները կեանքի կոչելու համար: Համաժողովին մասնակիցները այցելեցին Ծիծեռնակաբերդի յուշահամալիր, ծաղիկներ զետեղեցին Հայոց ցեղասպանութեան զոհերու յուշակոթողին առջեւ, ապա շրջագայեցան Հայոց Ցեղասպանութեան թանգարան-հիմնարկին մէջ: Նաեւ, անոնք այցելութիւն տուին Եռաբլուր եւ յարգանքի տուրք մատուցեցին Արցախեան հերոսամարտին, ապրիլեան պատերազմին զոհուած հայորդիներուն յիշատակին` խոնարհելով անոնց շիրիմներուն դիմաց: Համաժողովը իր աշխատանքները շարունակեց Արցախի մէջ: