Լվովի Մէջ Հայ Եկեղեցւոյ Պատմութեան Նուիրուած Ցուցահանդէս

0 0
Read Time:1 Minute, 2 Second

p10-11-lvov

Կազմակերպութեամբ Լվովի պատմական թանգարանին, եւ տեղւոյն Ֆրանքոյի անուան ազգային համալսարանի գիտական գրադարանին, Ուքրայինայի հայերու միութեան եւ Լվովի «Աղբիւր» հայ համայնքին, քաղաքի կրօնի պատմութեան թանգարանին մէջ տեղի ունեցաւ «Հայկական եկեղեցին Լվովի մէջ. 1991-2016» խորագիրը կրող ցուցահանդէսի բացումը, որ պիտի երկարի մինչեւ տարեվերջ:
Ցուցահանդէսին ներկայացուած էին 2001-ին Յովհաննէս-Պօղոս Բ. պապի այցելութեան դրուագները, 2003-ին Ամենայն Հայոց Գարեգին Բ. կաթողիկոսին կողմէ եկեղեցւոյ օծման լուսանկարները եւ այլ նկարներ, ինչպէս նաեւ` եկեղեցական սպասներ, գիրքեր եւ տարազներ: Նաեւ, տեղի ունեցաւ «Հայ գիրքը» հանդէսը` նուիրուած Ուքրանիոյ մէջ հայկական գրատպութեան 400-ամեակին:
Ներկայացուած գիրքերուն մէջ յատուկ հետաքրքրութիւն յառաջացուց «Հայագիտութեան հրատապ հարցերը» հրատարակութիւնը (Ուքրանիոյ հայերու միութեան գիտական աշխատութիւններու ժողովածու), որուն մէջ տեղ գտած են ուքրայինացի եւ արտասահմանեան գիտնականներու աւելի քան երեսուն հայագիտական աշխատութիւններ:p10-11-lvov-kirk
Պատմամշակութային ժառանգութեան հարցերով զբաղող կոմիտէի ղեկավար Դաւիթ Դաւթեան նշեց, որ ժողովածուն հրապարակուած է Ուքրանիոյ մէջ, հայկական գրատպութեան 400-ամեակին առիթով: Ժողովածուն կ՛ընդգրկէ Ուքրայինայի հայերու միութեան կողմէ ուքրանական գիտական կեդրոններու հետ կազմակերպուած միջազգային գիտական խորհրդաժողովներու նիւթեր:

Ներկաներուն ուշադրութիւնը գրաւեց նաեւ Վարդան Դեւրիկեանի «Լվովի հայկական գրատպութիւնը 400 տարեկան է» հրատարակութիւնը, որ ներկայացուց Հայ Առաքելական եկեղեցւոյ Ուքրայինայի Հայոց Թեմի Առաջնորդ Մարկոս եպս. Յովհաննիսեան: Սրբազանը յայտնեց, որ այդ հրատարակութիւնը յատուկ պատրաստուած է Ուքրայինայիյ հայկական գրատպութեան 400-ամեակին առիթով եւ նուիրուած է Յովհաննէս Կարամատենցիի տպագրատան պատմութեան եւ այն գիրքերուն, որոնք հրատարակուած են հոն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles