Լոնտոն.- Ցուցարարներ Ներխուժեցին Ատրպէյճանի Դեսպանատունը

0 0
Read Time:44 Second

ԼՈՆՏՈՆ.- Խումբ մը ցուցարարներ ներխուժեցին Լոնտոնի մէջ Ատրպէյճանի դեսպանատունը: Անոնք պատին վրայ գրեցին «Ո՜վ Հիւսէյն» եւ վար առին Ատրպէյճանի դրօշը:

Յստակ չէ, թէ ինչպէ՛ս աւարտած է բողոքի ցոյցը, սակայն, ըստ երեւոյթին, կազմակերպուած էր «Մահտիի ծառաներու միութիւն» կոչուող խմբաւորման կողմէ, որ Լոնտոնի մէջ գործող շիի իսլամական կազմակերպութիւն մըն է, որ իր կայքին վրայ կը պնդէ, թէ կ՛ուզէ «քաղաքակրթական գերակայութիւն» հաստատել:

Խմբաւորումին անդամները կը պատճառաբանեն Ատրպէյճանի կառավարութեան կողմէ երկրին մէջ որոշ շիիներու հալածանքները: Խմբաւորումին յայտարարութեան մէջ կը նշուի, որ իրենց ղեկավարը յանձնարարած է Ատրպէյճանի նախագահ Իլհամ Ալիեւի դէմ «հրատապ քայլերու ձեռնարկել»:

Կազմակերպութեան ղեկավար Եասէլ Հապիպը խնդրայարոյց հոգեւորական մըն է, որուն «Երկնային տիկինը» շարժանկարը այս տարուան սկիզբը վերցուած էր բրիտանական շարժապատկերի սրահներէն, բողոքի ցոյցերէն ետք որոշ սիւննիներու, որոնք վիրաւորուած էին իսլամութեան պատմութեան անոր մեկնաբանութենէն:

Պաքուն բրիտանական իշխանութիւններէն պահանջած է «մանրակրկիտ հետաքննել վանտալիզմը եւ մեղաւորները պատասխանատուութեան ենթարկել»:

Ցուցարարները բերման ենթարկուած են, դեսպանատան աշխատակիցները չեն վնասուած:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles