«Լիհիի Օրէնք»ին Հիման Վրայ` Ատրպէյճանի Դէմ Հետախուզութիւն

0 0
Read Time:1 Minute, 29 Second

Azerbaijan President Ilham Aliyev seen  during the voting at a polling station in Baku, Azerbaijan, Wednesday, Oct. 9, 2013. Oil-rich Azerbaijan is booming and the wealth is trickling down to its poorest people. It all means that its president doesn't even need to clamp down too hard to ensure he extends a decades-long dynastic rule in elections on Wednesday. (AP Photo/Sergei Grits)

ՈՒԱՇԻՆԿԹԸՆ.- Ամերիկայի Հայ Դատի յանձնախումբը Ապրիլ 11ին, լոյս ընծայած կոչով մը, կը տեղեկացնէ թէ Միացեալ Նահանգներու գործադիր իշխանութիւնները, պէտք է որ Ատրպէյճանի դէմ հետախուզութեան սկսին՝ հիմնուելով ամերիկեան ռազմական օժանդակութիւններուն առնչուող «Լիհիի օրէնք»ին վրայ: Այս կոչը հրատարակուեցաւ, որովհետեւ վստահելի աղբիւրներ հաստատած են, թէ Ատրպէյճանի բանակը մարդկային իրաւանց միջազգային օրէնքներու խախտումներ կատարած է։
Ատրպէյճանական ուժերը Ապրիլ 2էն 7 առնուազն երկու տարեց քաղաքայիններու եւ երեք զինուորներու դէմ բարբարոսային արարքներու դիմած էին։
«Լիհիի օրէնք»ը առաջին անգամ վաւերացուած է 1997ին, իսկ անոր ընդարձակուած տարբերակը՝ 1998ին, Վըրմանթէն ծերակուտական Փեթրիք Լիհիի առաջարկին հիման վրայ: Այդ օրէնքը արտաքին գործոց եւ պաշտպանութեան նախարարութեանց կ՛արգիլէ ռազմական օգնութիւն տրամադրել այն երկիրին, որուն ռազմական ուժերը անպատժելի կերպով կը խախտեն մարդկային իրաւունքները: Օրէնքին նպատակն է երաշխաւորել, որ ամերիկեան հարկային գումարները չեն օգտագործուիր այնպիսի ուժերու կողմէ, որոնք կը խախտեն մարդկային իրաւունքները ու կ՛իրականացնեն պատերազմական յանցագործութիւններ:
Նախագահ Պարաք Օպամային հասցէագրուած նամակին մէջ, ինչպէս նաեւ Հայ Դատի համացանցային կայքին միջոցաւ ամերիկահայութեան կողմէ շարք մը քոնկրէսականներուն յղուած կոչերուն մէջ ահազանգ կը բարձրացուի՝ Ատրպէյճանի նախագահ Իլհամ Ալիեւի առաջնորդութեամբ լարուածութիւնը մտագոհիչ կերպով սրող բռնարարքներուն նկատմամբ, որոնց ընթացքին կ՛օգտագործուին արդիական զէնքեր եւ կ՛արձանագրուին քաղաքայիններու եւ զինուորականներու դէմ մարդկային իրաւանց ահաւոր խախտումներ։
Հայ Դատի յանձնախումբը, առաջին հերթին կը պահանջէ, որ անմիջապէս կասեցուին Ատրպէյճանին տրամադրուող ռազմական օժանդակութիւնները, մինչեւ որ իրականացուին «Լիհիի օրէնք»ով սահմանուած հետախուզութիւնները։ «Եթէ հաստատուի, որ ատրպէյճանական ուժերը խախտած են նման օժանդակութիւններու կապուած ամերիկեան օրէնքները, ապա Պաքուի տրամադրուող բոլոր ռազմական օժանդակութիւնները պէտք է արգիլուին ու պէտք է անմիջական քայլերու դիմուի՝ Ատրպէյճանի ապահովական ուժերու բարձրաստիճան պաշտօնատարները պատասխանատուութեան կանչելու», գրուած է Հայ Դատէն Օպամային յղուած նամակին մէջ։
Հոն յիշուած է նաեւ ՆԱԹՕի 2004ի մարզումներուն ընթացքին հայ զինուոր Գուրգէն Մարգարեանը սպաննած ատրպէյճանցի զինուոր Սաֆարովի պարագան՝ նշելով, որ Պաքուն նման ոճրագործ մը հերոսացուցած եւ վարձատրած է՝ պատժելու փոխարէն։
«Լիհիի օրէնք»ին մասին յաւելեալ տեղեկութեանց համար, այցելել.- www.fas.org/sgp/crs/row/R43361.pdf կայքէջը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles