0
0
ՊԷՅՐՈՒԹ.- Աւելի քան տարի մը անդամալոյծ վիճակէ ետք, անցեալ շաբաթավերջին կազմուեցաւ Լիբանանի կառավարութիւնը, որու հայ համայնքի ներկայացուցիչն է Ճորճ Պուչիքեանը:
Ծնած Մայիս 10, 1965-ին, ան վկայուած է որակի եւ նորոգութեան մարտահրաւէրներու տնօրինման մարզին մէջ՝ Ճարտարարուեստի եւ արհեստագիտութեան տնօրինման Գանատայի հիմնարկէն:
Ամուսնացած եւ երկու զաւակի տէր՝ Պուչիքեան մասնագիտացած է պաշտօններու արժեւորման, ծրագրաւորումի եւ արտադրութեան մարզի տնօրինման, ծախսերու նուազեցման եւ որակի պահպանման ընդմէջէն՝ արտադրողականութեան բարելաւումը ապահովելու, պիւտճէներու պատրաստութեան եւ գործարկումի ծախսերու քննութեան մարզերուն մէջ: Ան Այնճարի բարեկարգումի խորհուրդի նախագահն է եւ անդամ՝ բժշկական սարքեր ներածող սենտիքայի տնօրէն խորհուրդին, Լիբանանեան- զուիցերիական առեւտուրի պալատին: Ան կը տիրապետէ հինգ լեզուներու՝ հայերէնին, արաբերէնին, անգլերէնին, ֆրանսերէնին եւ գերմաներէնին:
