ԼԱՏԻՆ ԱՄԵՐԻԿԵԱՆ ԳՈՐԾՕՆ ԵՒ ԳՈՐԾԸՆԹԱՑ

0 0
Read Time:1 Minute, 25 Second

p1 khemp Արժանթինի մայրաքաղաք՝ Պուենոս Այրէսի “Յուլիս 9“ հրապարակը, աշխարհի ամենէն աւելի ընդարձակն որ տպաւորիչը կը նկատուի: Բնականաբար, այդ յիշատակելի վայրին առնչուող յատուկ օրուան ետին կարելի է ենթադրել թէ ինչ պատահած է: …Արժանթինի անկախութեան օրն է այդ օրը:

…Եւ այդ օր, Յուլիս 9, 2014-ին, կատարուեցաւ Հայոց Ցեղասպանութեան թանգարանին հիմնարկէքի արարողութիւնը, մայրաքաղաքի Փալերմօ թաղամասին մէջ:
Եղելութենէն աւելի յիշատակելի է այս աշխատանքին ոճն ու գործընթացը: Տասնեակ տարիներ շարունակ, հետեւողական ձեւով կատարուած աշխատանքի արդիւնք է այս թանգարանին ստեղծումը: Մանաւանդ որ, այս հողաշերտը տրամադրուած է ձրիաբար եւ ամենայն բարեացակամութեամբ, պետութեան մը կողմէ, որ շարունակ նեցուկ կանգնած է Հայաստանին, հայութեան եւ Հայ Դատին, հակառակ միջազգային բարձր մակարդակի բազմաթիւ ճնշումներու տակ գտնուելուն:
Կարելի չէ բաղդատել, թանգարանի մը կառուցման որոշումը, պարզ յուշարձանի մը, կամ յիշատակի կոթողի մը: Դեռ, աւելի անտեղի պիտի ըլլայ բաղդատել Ատրպէյճանի մսխած “փեթրոտոլարներ“ուն, կառուցելու համար ներկայ բռնատիրոջ հօր՝ Հայտար Ալիեւի արձանները, աշխարհի զանազան քաղաքներու մէջ, որոնց կարգին արդէն իսկ քակուած եւ իր տեղավայրէն “հեռացած“ մէկ տիպարը՝ Մեքսիքոյի մէջ:
Այդ արձանին քովէն անցնողին համար “Անծանօթ Զինուոր“ի արձանէն աւելի անծանօթ էին այդ վիթխարի արձանն ու անձնաւորութիւնը, մինչդեռ Հայոց Ցեղասպանութեան թանգարանի պարագային, թէ՛ կառուցողին եւ թէ՛ այցելուին համար յստակ են պատմութեան մութ էջերը…եւ այդ ալ հեռաւոր Լատին Ամերիկայի մէջ:
Այդ միեւնոյն “փեթրոտոլարներ“ն է որոնց արդիւնք, Հունգարիա ազատ արձակած էր կացինով հայորդի բանակային Գուրգէն Մարգարեանը սպաննած ազերի զինուորական՝ Ռամիլ Սաֆարովը:
Հետեւաբար, թէ՛ Արժանթինի եւ թէ՛ Ուրուկուայի քաղաքային իշխանութիւններուն Հայոց Ցեղասպանութիւնը պաշտօնապէս ճանչնալու, ինչպէս նաեւ երկու մայրաքաղաքներէն՝ Պուենոս Այրէսի եւ Մոնթեվիտէոյի մէջ, Հայոց Ցեղասպանութեան թանգարան հիմնելու որոշումին համար խորին շնորհակալութիւններն անգամ անբաւարար են:
Շատ աւելի նախանձելի եւ օրինակելի են Լատին Ամերիկեան այս պետութիւններուն կատարած հայանպաստ աշխատանքները, որոնց շատ բան կը պարտին տեղւոյն գեր-գործունեայ գաղութները, իրենց երկա՜ր տարիներու կատարած, հետեւողական եւ նուիրումին պատճառով:

ՀԱՅՐԵՆԻՔ
Խմբագրական
Յուլիս 13, 2014

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles