«Լալան Ու Արան» խաղերու շարքին նորութիւնը` «Թիւերու Աշխարհ»

0 0
Read Time:40 Second

Համազգայինի մանկավարժական բաժանմունքը հրապարակած էր «Լալան ու Արան» խաղերու շարքը` «Գոյներու աշխարհ», «Ձեւերու աշխարհ», «Գիրերու աշխարհ»:

Ահաւասիկ անոնց եկաւ միանալու «Թիւերու աշխարհ»-ը, որ արդէն հրապարակուած է եւ կարելի է առցանց անվճար ներբեռնել iOS եւ android ամէն տեսակի գործիքներու վրայ` այցելելով մեր կայքէջը` www.lalanouaran.com :

«Թիւերու աշխարհ»-ի նիւթական ծախսերու հովանաւորներն են` Գալուստ Կիւլպէնկեան հիմնարկութիւնը եւ Համազգայինի Աւստրալիոյ Շրջանային վարչութիւնը:

Մեր սիրելի մանուկները, աշխարհի ամբողջ տարածքին, կ՛ունենան արդիական չափանիշներով հայերէն լեզուով խաղեր, որոնք կ՛օգնեն անոնց սորվելու գոյները, ձեւերը, թիւերը եւ գիրերը:

Բաժանմունքը կը շարունակէ իր աշխատանքը եւ յառաջիկային նոր ու հետաքրքրական ծրագիրներով հանդէս պիտի գայ:

Այն նուիրատուները, որոնք կը փափաքին դառնալ ծրագիրի մը հովանաւոր եւ կամ օժանդակել այս ծրագիրներու իրագործման, կրնան կապ հաստատել info@lalanouaran.com հասցէին:

Միասնական ճիգերով ճոխացնենք մեր մանուկներուն առօրեան` դաստիարակչական եւ արդիական խաղերով ու գիտելիքներով:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles