0
0
ՔԱՐՏԻՖ (Կալէս).- “Բոլոր Ցեղասպանութեանց Զոհերուն Զօրակցութիւն“ կազմակերպութեան ղեկավար Իլիյըն Ուիլիըմզ եւ իր գործընկերը, Յունուար 18-ին, Լոնտոնի մէջ Թուրքիոյ դեսպանատան մէջ յարձակումի ենթարկուած են, երբ կը փորձէին Հրանդ Տինքի սպանութեան տարելիցին նախօրեակին Թուրքիոյ դեսպան Ահմետ Իւնալի Չեւիքէօզին բողոքի նամակ մը յանձնել: Ֆրանսահայ անկախ լրագրող Ժան Էքեան, այս գծով կը հաղորդէ, որ Քարտիֆի մէջ Դեսպանատան անձնակազմը մերժած է նամակը ընդունիլ եւ անոր անդամներէն մէկը յարձակած է Ուիլիըմզի վրայ, որուն հագուստները պատռտուած են: Ոստիկան մը հարցին յաւելեալ զարգացումը կանխարգիլելու նպատակով միջամտած է: Ուիլիըմզ դեսպանատունէն վտարուած է:
Ան իր նամակին մէջ` ակնարկելով Յունուար 11-ին Պոսթըն համալսարանին կողմէ հրատարակուած Ճենի Ուայթի յօդուածին, Թուրքիոյ դեսպանին կոչ կ՛ուղղէ պատասխանելու հետեւեալ հարցումին. “Ո՞վ Պոլսոյ մէջ հայերը կը սպաննէ“:
