Իշխան Սաղաթէլեան Սթրազպուրկի Մէջ

0 0
Read Time:50 Second

Հ․Յ․Դ․ Հայաստանի Գերագոյն մարմինի ներկայացուցիչ եւ «Դիմադրութիւն» շարժումի ղեկավար Իշխան Սաղաթէլեան, քանի մը օրով այցելեց Եւրոխորհրդարանի մայրաքաղաք Սթրազպուրկ  (Ալզաս, Ֆրանսա)։ Այս աշխատանքային այցելութեան ընթացքին, ան շարք մը հանդիպումներ ունեցած է Եւրոպական խորհրդարանին մէջ:

Հանդիպումներ կայացան Եւրոպական խորհրդարանի երեսփոխաններ, Հայաստանի Հանրապետութիւն-Եւրոպական Միութիւն խորհրդարանական համագործակցութեան յանձնախումբի անդամ Փեթար Վիթանովի (Պուլկարիա), Եւրոպական խորհրդարանին մէջ Հայաստանի հետ բարեկամութեան խումբի նախագահ Լուքաս Ֆուրլասի (Կիպրոս), խորհրդարանի քաղաքական խումբի փոխնախագահ Չարլի Վէյմըրսի (Շուէտ) հետ:

Աշխատանքային օրուան աւարտին Իշխան Սաղաթէլեան հանդիպում  ունեցաւ նաեւ Եւրոպական խորհրդարանի փոխնախագահ տիկին Հէյտի Հաութալայի (Ֆինլանտա) հետ:

Հանդիպումներու ընթացքին առանձնայատուկ քննարկման նիւթ դարձան Հայաստանի ու Արցախի շուրջ առկայ անվտանգային մարտահրաւէրները եւ ազրպէյճանական շարունակական յարձակումները: Իշխան Սաղաթէլեան կարեւոր նկատած է Արցախի ինքնորոշման իրաւունքի լիարժէք իրականացման եւ կարգավիճակի հարցը` իբրեւ Արցախի ժողովուրդի իրաւունքներու պաշտպանութեան եւ տագնապի լուծման միջոց: Սաղաթէլեան շեշտեց, որ հայ ժողովուրդին համար անընդունելի է որեւէ լուծում, որով Արցախը կ՛ըլլայ Ատրպէյճանի կազմին մէջ:

Եւրոպացի գործընկերներուն ներկայացուեցան նաեւ «Դիմադրութիւն» շարժման նպատակներն ու յառաջիկայ ծրագիրները։

Սաղաթէլեանի կ՛ընկերակցէր Եւրոպայի Հայ Դատի գրասենեակի ղեկավար Գասպար Կարապետեան։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles