Թուրքիոյ Վատիկանի Դեսպանը Վերադարձաւ

0 0
Read Time:59 Second

mehmet_pacaci_

Ապրիլ 12, 2015-ին, Պապին կողմէ Հայոց Ցեղասպանութեան ճանաչման մասին կատարուած յայտարարութենէն ետք, Թուրքիա ետ կանչած էր Վատիկանի իր դեսպան` Մեհմետ Փաչաճին:
Տաս ամիս ետք, ան վերադարձաւ Վատիկան, վերստին ստանձնելու իր պաշտօնը: Ըստ Թուրքիոյ արտաքին գործոց նախարարութենէն բարձրաստիճան պաշտօնեայի մը, այս որոշումը կայացուած է Փետրուար 3ին, Պապին եւ Վատիկանի յայտարարութիւններէն ետք:
Անգարա միշտ ալ ետ կանչած է դեսպաններ, յատկապէս Հայոց Ցեղասպանութեան առնչուած հարցերուն գծով, սակայն առաջին անգամն է որ, այս բացակայութիւնը տեւեց բաւական երկար՝ տաս ամիս:
Թուրք մամուլը կը պնդէ, թէ Հայոց Ցեղասպանութեան ճանաչման
հարցին մէջ՝ Վատիկան «յետքայլ» կատարած է, եւ այդ առթիւ դեսպանը վերադարձած է: Արդարեւ, «Նիւ Իսթ Ֆաունտէյշըն» կազմակերպութեան կողմէ լոյս ընծայուած «Տարտանէլի առաջին յաղթանակ-1857» խորագրեալ գիրքին ներկայացման առիթով Պապը ընդունած է վերոյիշեալ կազմակերպութեան ներկայացուցիչ Ռինալտօ Մարմարան: Վատիկանի կողմէ հաղորդուած է որ, հակառակ անցեալի դառն յիշողութիւններուն, անհրաժեշտ կը դառնայ որ գործակցութեան գծով գիտական ուսումնասիրութիւն մը կատարուի, հասարակաց ու ընդունելի ճշմարտութիւն մը գտնելու նպատակով: Այս ուղղութեամբ Վատիկան ողջունելի նկատած է պատմաբաններու առջեւ իր բոլոր արխիւները բանալու Թուրքիոյ որոշումը:
Ոչ մէկ յաւելեալ մանրամասնութիւն կայ արխիւներ բանալու եւ զանոնք պատմաբաններու խառն յանձնաժողովի տրամադրութեան տակ դնելու մասին:
Վատիկանի կողմէ հրատարակուած հաղորդագրութեան մէջ, յիշուած է նաեւ 1977 Յունիսին Թուրքիոյ Վատիկանի դեսպանին սպանութիւնն ալ, շեշտելու համար անցեալին ապրուած պատահարները:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles