ՈՒԱՇԻՆԹԸՆ.- Միացեալ Նահանգներու Ներկայացուցիչներու տան անդամ Էտըմ Շիֆի գրասենեակը կը տեղեկացնէ, թէ ան նախաձեռնած է Հայոց Ցեղասպանութեան զոհերու անուններ հաւաքելու համացանցային արշաւի մը, որպէսզի Քոնկրէսի բեմէն կարդացուին։
Շիֆ որոշած է Ապրիլ 22ին ամբողջ ժամ մը յատկացնել, Ներկայացուցիչներու տան բեմէն Ցեղասպանութեան 1.5 միլիոն զոհերու մէկ փոքր մասնիկին անունները կարդալուն, որուն համար ան կոչ կþընէ զոհերու շառաւիղներուն, որոնք կրնան ըլլան թէ՛ իր ընտրաշրջանէն եւ թէ Միացեալ Նահանգներու տարածքէն, ղրկելու զոհերու անունները, որոնք պիտի պահուին Քոնկրէսի արխիւներուն մէջ։
“Աւելի քան 1.5 միլիոն զոհի անուն կարդալու համար հարկաւոր են երկար շաբաթներ, եւ ես յոյս ունիմ, որ զոհերու անուններու ընթերցումը պիտի օգնէ ուշադրութիւն հրաւիրել յանցագործութեան վրայ: Անունները, ի տարբերութիւն թիւերուն, այդքան վերացական չեն: Անոնցմէ իւրաքանչիւրը մէկուն զաւակն էր, մայրը կամ հայրը, մեծ մայրը կամ մեծ հայրը, հօրեղբայրը կամ մօրաքոյրը: Իւրաքանչիւրը թանկարժէք կեանք էր“, յայտարարած է Շիֆ:
Կարելի է անունները ղրկել.- https://docs.google.com/forms/d/1mig8GYxDyDTbqqLopIDFwgCYj6UyPBIDXBesl8uy2lM/viewform
