«Զրոյց Մրոյց»-ը Երկու Տարեկան

2 0
Read Time:2 Minute, 13 Second

ԱՐԱՄ ՊՐԱՆՍԸՆ

Մայիս 12-ին նշուեցաւ Հայ Երիտասարդաց Դաշնակցութեան հանրածանօթ ծրագիրներէն մէկուն երկրորդ տարեդարձը։ Անշուշտ խօսքը Արեւելեան Ա․Մ․Ն․-ի հռչակաւոր «Զրոյց Մրոյց» ծրագրի մասին է։ «Զրոյց Մրոյց»-ը համացանցային (Zoom-ի վրայ) ծրագիր մըն է, ուր գրեթէ միայն հայերէն կը խօսուի։ Հ․Ե․Դ․-ի երիտասարդները ամէն Հինգշաբթի «Զրոյ Մրոյց»-ի համար առցանց կը հաւաքուին։ Իւրաքանչիւր մասնակցողը ստիպուած չէ, որ մնալ մինչեւ յայտագրի աւարտ։ Կարելի է ազատօրէն մուտք գործել եւ ձգել։

«Զրոյց Մրոյց»-ը, որ նաեւ երբեմն ոչ պաշտօնապէս կը ստանայ «Հայերէն խօսակցական ժամ» խորագիրը, սկսած է 2020 թուականին Հ․Ե․Դ․-ի Կեդրոնական Դաստիարակչական Խորհուրդի նախաձեռնութեամբ: Նկատելով որ մեծ կարիք կայ հայոց լեզուի զարգացման, Հ․Ե․Դ․-ն ստեղծեց Կեդրոնական Լեզուի Խորհուրդը, որ կը կազմակերպէ «Զրոյց Մրոյց»-ի հանդիպումները։

Երկու տարի «Զրոյց Մրոյց»-ի հիմնադրութիւնէն ետք կը շարունակուի ծրագիրը եւ դարձած է արդէն ստոյգ եւ զօրաւոր զէնք մը լեզուի կորուստի եւ Հայերու ձուլման դէմ։ Ծրագիրը սովորաբար նոյնն է։ Մասնակցողները կը ներկայացնեն իրենց անուններն ու պատկանած մասնաճիւղը։

Այս ելեկտրոնային հանդիպումը կը շարունակուի ստեղծագործական բնոյթ ունեցող խաղերով, որոնք կ՛ընդգրկեն բանաստեղծութիւններ, հէքեաթներ, պահուած բառը (charades) խաղալ, եւ այլն։ Գրեթէ միշտ ժողովը կը վերջանայ զրոյց-խօսակցութեամբ։

Ի հարկէ «Զրոյց Մրոյց»-ը Ա․Մ․Ն  արեւելեան շրջանի ծրագիր ըլլալով, բնականաբար, մասնակիցներու մեծամասնութիւնը այս շրջանէն կու գան, սակայն միշտ ալ կան տարբեր շրջաններէ եւ երկիրներէ մասնակցողներ, օրինակի համար՝ Ա․Մ․Ն․-ի արեւմտեան շրջանէն, Աւստրալիայէն, Լիբանանէն, Հայաստանէն, եւ այլն։ Միայն բնակավայրի բազմազանութիւն չէ, այլ նաեւ բարբառներու։ Կան արեւմտահայերէն եւ արեւելահայերէն խօսողներ, կան ծագումով հայաստանցիներ, լիբանանահայեր, պարսկահայեր եւ ամերիկահայեր։ «Զրոյց Մրոյց»-ը նաեւ կ՛ողջունէ մասնակցութիւնը բոլոր հայախօսներու եւ կը ստեղծէ մթնոլորտ մը, ուրտեղ իւրաքանչիւր հայը կրնայ խօսիլ եւ զարգանալ առանց որեւէ դատողութեան կամ ճնշման։

Հոն կը մշակուի եւ կ’աճի նոր սերունդի սէրը հայկական մշակոյթի պահպանութեան համար։ Ոչ Հայերէն բառերու գործածութեան դէմ պայքարելու համար, «Զրոյց Մրոյց»-ի մասնակիցները երբեմն կը ստեղծեն նոր բառեր։ Ասոնք յաճախ կ’ըլլան բառեր ժամանակակից գաղափարներու համար որուն պաշտօնական եզրաբանութիւնը ներածուած է այլ լեզուներէ՝ ռուսերէն, անգլերէն, արաբերէն, եւլն։ Նոր բառերը կը ստեղծուին սկիզբէն մինչեւ վերջ զուտ հայկական բառերով։ Օրինակ՝ internship բառին համար, «պրակտիկա» բառի փոխարէն «գործնափորձութիւն» կ’ըսենք։

Խօսակցութեան ժամանակ կը քննարկուին հայ ազգի ամենակարեւոր խնդիրները։ Օրինակի համար՝ ինչպէս պիտի ազատագրենք մեր հողերը, հայրենադարձութեան մեծագոյն կարեւորութիւնը կամ անպիտանութիւնը եւ ինչ է մտային/հոգեկան առողջութեան դերը հայ համայնքներու մէջ։ Այս միջավայրին մէջ իւրաքանչիւրը կրնայ բարելաւել քաղաքական, փիլիսոփայական եւ մտաւորական թեմաներուն վերաբերուող իր բառապաշարը եւ խօսելու մակարդակը։ Անշուշտ նաեւ աւելի դիւրին խնդիրներ եւ հարցումներ կը քննարկուին՝ թէ ինչ հայերէն բառերով է շիտակ երգել տարեդարձի երգը, թէ պէ՞տք է պարել ցոյցերու ժամանակ։

Ուրեմն, բարի՛ տարեդարձ Հ․Ե․Դ․-ի «Զրոյց Մրոյց»-ին։ Յուսամ որ այս սքանչելի ծրագիրը տարիներով պիտի շարունակուի իբրեւ ձուլման եւ հայ մշակոյթի կորուստի դէմ մղուած սուր պայքար։ Փառք ու պատիւ մեր սիրելի հայոց լեզուին։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles