ԶԻՆԱԴԱԴԱՐԻ ԱՆԴԱԴԱՐ ԽԱԽՏՈՒՄ

0 0
Read Time:1 Minute, 44 Second

p1 khemp

ՀԱՅՐԵՆԻՔ
Խմբագրական
Դեկտեմբեր 15, 2015

Բազմիցս խօսուած ու նշուած է թէ Միջին Արեւելքի ներկայ պայթուցիկ կացութիւնը իր տարբեր տեսակի ազդեցութիւնը ունի Կովկասեան Բարձրաւանդակի ռազմաքաղաքական իրավիճակին վրայ:
Շատեր կը հաստատէին թէ Տահէշի դէմ ծայր առած ներկայ պատերազմը, լուսանցքի տակ առած պիտի ըլլայ շրջանէն ներս գոյութիւն ունեցող այլ թնճուկներ, որոնց կարգին յատկապէս Արցախի հիմնահարցը:
Սակայն ըստ երեւոյթին, այդ քաղաքական վերլուծաբաններն ու դէտերը, նկատի չեն առած այլ գործելաձեւ, այլ դիրքորոշում..այլընտրանք:
Արդարեւ, Դեկտեմբերի սկիզբները Թուրքիոյ վարչապետ Ահմետ Տաւութօղլուն Պաքու այցելեց եւ առանց բառերը ծամծմելու եւ իր արտայայտութեան ետին պահուըտելու, հաստատեց թէ իր պետութիւնը ամէն ճիգ պիտի թափէ, օժանդակելու համար դաշնակից Ատրպէյճան, որպէսզի վերատիրանայ այսպէս կոչուած՝ «բռնագրաւուած հողեր»ուն:
Յստակ է թէ Տաւութողլուի այդ յայտարարութիւնէն ետք, հետզհետէ աւելի սաստկացաւ կացութիւնը Արցախի սահմանամերձ շրջաններէն ներս: Այս գծով, յաւելեալ մանրամասնութիւններ տեղին է փոխանցել: Մէկ շաբթուայ ընթացքին, ազերի բանակը աւելի քան 280 անգամ խախտած է զինադադարը: Աւելի քան երեք հազար կրակոց, հրացանաձգութիւն եւ աւելի ծանր հրետանիի գործածութիւն: Իսկ անցեալ շաբաթավերջին, հրասայլեր ալ
գործի լծուած էին, յաւելեալ «լրջութիւն» մը տալով ներկայ իրավիճակին:
Թուրքերու մեղսակցութեամբ, ազերիներու այս յարձակողական քաղաքականութիւնը կարելի է մեկնաբանել չորրորդ-հինգերորդ դարերէն ի վեր յիշուած, նշուած եւ կիրարկուած լատիներէն հանրահռչակ ասացուածքով՝ «Si vis pacem, para bellum », այսինքն «Պատերազմի՛ր, յաչս խաղաղութեան»: Մինչդեռ, թէ՛ ԵԱՀԿ-ի Մինսքի յանձնախումբին եւ թէ՛ հայրենի կողմի կիրարկած քաղաքականութիւնը՝ «Խաղաղութիւն, յաչս խաղաղութեան» է…« Si vis pacem para pacem», անշուշտ որոշ տարբեր մօտեցումներով:
Բազկերակ քննել չէ Ալիեւի կատարածը: Յստակ է թէ, Անգարա-Պաքու մօտիկ ու մտերմիկ խօսակցութեամբ ու խորհրդակցութեամբ կը կատարուին այս գործողութիւնները: Եւ հաւանաբար, զարմանալիօրէն այս վերջին օրերու զինադադարի խախտումը (յաւելեալ) դիտմամբ կը կատարուի միայն Արցախեան սահմանամերձ շրջաններէն ներս: Այս իւրայատուկ դիրքորոշումը, հաւանաբար կարելի է բացատրել այն տրամաբանութեամբ որ, միայն Արցախեան հողամասեր ռմբակոծելով, Պաքու կրնայ այդչափ ալ չխախտել Ռուսաստանի ազգային շահերն ու հաշիւները՝ Կովկասեան բարձրաւանդակէն ներս:
Սակայն այս գծով, արդէն իսկ Ռուսաստան, յանձին իր Արտաքին Գործոց նախարարութեան եւ քարոզչական մեքենային արտայայտած է իր դժգոհութիւնը, եւ նոյնիսկ դիմած է սպառնական միջոցներու:
Այս բոլորը մէկդի դրած, հոս տեղին է անդրադառնալ եւ կարեւորել այն իրողութիւնը թէ, մէկ շաբթուայ ընթացքին, այս անակնկալ ռմբակոծումներուն արդիւնք՝ Արցախի պաշտպանութեան բանակէն ներս արձանագրուած են չորս զոհեր…«Խաղաղութիւն, յաչս խաղաղութեան» քաղաքականութենէն հեռու պարզուած անընդունելի պատկեր մը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles