ԶԻՄԶԻՄՕՆ

0 0
Read Time:1 Minute, 7 Second

Յ.  ՀԵԼՎԱՃԵԱՆ

Պէյրութ

Զիմզիմօն դերասան-նկարիչ էր, եւ՝ թափառական: Յատուկ կեդրոն կամ խանութ չունէր: Նկարուող յաճախորդները նախ կուշտ ու կուռ կը խնդացնէր, ապա կը նկարէր, այնպէս որ Զիմզիմոյին նկարներուն մէջ հարուստ ժպիտը անպակաս էր:

  • Բերէ՛ք նկար մը իմ նկարածներէս, որուն մէջ եթէ ժպիտ չկայ՝ պատրաստ եմ բերող մարդուն հարիւր նկար ձրի նկարել, – կ’ըսէր, ինքզինքին լուրջ հով մը տալով:

Հարիւր նկար ձրի նկարողը մէկ նկարը դիւրութեամբ կը նկարէ՝ մտքիս մէջ եզրակացնելով, սկսայ հալածել Զոմզիմօն թաղէ թաղ:

  • Պարոն Զիմզիմօ, ինծի մէկ նկար ձրի կը նկարե՞ս:
  • Կը նկարեմ, կը նկարեմ,- ըսաւ ու քովի թաղը մտաւ քայլերը արագացնելով:

Իսկ ես զինք հալածելով, վազելով մտայ այն թաղը, ուր Զիմզիմօն արդէն հեռուները հասած էր: Վազքս արագացուցի ու հասայ քովը: Մանուկի անմեղութեամբ նորէն հարցուցի.

  • Պարոն Զիմզիմօ, ինծի մէկ նկար ձրի կը նկարե՞ս:
  • Կը նկարեմ, կը նկարեմ,- ըսաւ ու ճամբան շարունակեց, առանց աջն ու ձախը նայելու:

Ես ալ խնդրանքս շարունակելով կեցայ դէմը ու մանուկի մը միամտութեամբ եւ անհամբերութեամբ, դարձեալ խնդրեցի.

  • Պարոն Զիմզիմօ, ինծի մէկ նկար ձրի կը նկարե՞ս:
  • Կը նկարեմ…կը նկարեմ…կը նկարեմ…կը նկարեմ:

Բարկացաւ ու նկարչական գործիքը գետին դնելով նկարեց զիս՝ վախը դէմքիս:

Կարծեմ Զիմզիմօն առաջին նկարը նկարեց, ուր ժպիտ չկար, ու պարտուեցաւ գրաւը…ինծի հարիւր նկար պարտական ըլլալով: Իսկ ես առաջին մանուկն էի, որ Զիմզիմոյին պէս կատակասէր, շէն դերասանը բարկացուցեր էի:

 

Յ.Գ.- Զիմզիմոյին իսկական անունը Յարութիւն էր: Մականունը չեմ յիշեր:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԵՐԳԵԼՈՎ ՅԱՂԹԵԼ
Next post ՀԱՅԵԼԻՍ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles