ԵՒՐՈՊԱՅԻ ՀԱՅ ԴԱՏԻ ՅԱՆՁՆԱԽՈՒՄԲԸ ԿԸ ԴԱՊԱՊԱՐՏԷ ՊՐԻՒՔՍԷԼԻ ԱՀԱԲԵԿՉԱԿԱՆ ԱՐԱՐՔԸ

0 0
Read Time:1 Minute, 9 Second

p1b

ՊՐԻՒՔՍԷԼ.- Երոպայի Հայ Դատի կեդրոնական յանձնախումբը յատուկ հաղորդագրութեամբ մը կը տեղեկացնէ թէ .- «Խորապէս սրտնեղած են Պրիւքսէլի եւ Զաւենթեմի միջազգային օդակայանի ահաբեկչական ցաւալի յարձակումներէն:
Ապահով ենք, սակայն վրդոված: Շնորհակալ ենք բոլոր անոնց, որոնք հեռաձայնեցին եւ զօրակցական պատգամներ ուղարկեցին: Կը ցաւակցինք անմեղ կեանքերու կորուստին, եւ մեր մտածումները եւ աղօթքները կ՚ուղղենք անոնց ընտանիքներուն եւ բարեկամներուն: Այսօրուան աշխարհին մէջ վայրագութիւնը եւ ատելութիւնը տեղ չունին…: Եւրոպայի տարածքին մեր ամբողջ կազմակերպութիւններուն անունով, մեր զորակցութինը կը յայտնենք Պելճիքայի թագաւորութեան եւ համայն բնակչութեան ահաբեկչութեան դէմ պայքարին եւ այս վախկոտ արարքները յաղթահարելու մէջ»:
Հայաստանի Հանրապետութեան նախագահ Սերժ Սարգսեան, իր կարգին ցաւակցական հեռագիր մը յղած է Պելճիքայի թագաւորութեան վարչապետ Շարլ Միշելին` այս քստմնելի արարքին առթիւ:
«Այս ծանր պահուն իմ ցաւակցութիւնս եւ զօրակցութիւնս կը յայտնեմ ձեզի, Պելճիքայի բարեկամ ժողովուրդին եւ զոհուածներու հարազատներուն` մաղթելով ոգիի արիութիւն եւ համբերութիւն: Հայաստանը խստօրէն կը դատապարտէ ահաբեկչութեան որեւէ դրսեւորում եւ յանձնառու է այդ չարիքին դէմ միջազգային պայքարին իր ներդրումը բերելու», կը յայտնէ նախագահ Սարգսեան, իր ցաւակցական հեռագիրին մէջ:
Պայթումներէն ժամեր ետք, Թուրքիոյ Եւրոպական Միութեան հարցերով նախարար Վոլքան Պոզքըր, յայտնած էր, որ «Պելճիքան արտօնած էր, որ Քրտական Աշխատաւորական Կուսակցութեան դրօշները իր երկրին մէջ ծածանին: Ահաբեկչութեան դէմ պայքարին մէջ Եւրոպական Միութիւնը միշտ պէտք է առանձնացնել, սակայն երկիրներ կան, որ չեն պայքարիր այնքան, ինչքան անհրաժեշտ է»:
Նշենք թէ, Թուրքիոյ արտաքին գործոց նախարարութիւնը Պելճիքային պաշտօնական բողոք յայտնած էր, թէ վարչապետ Ահմէտ Տաւութօղլուի Պրիւքսէլ այցելութեան ժամանակ, տեղական իշխանութիւնները արտօնած են քաղաքի կեդրոնը կանգնեցնել, Քրտական Աշխատաւորական Կուսակցութեան յատուկ քարոզչական վրանը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles