ԵՐԻՏԱՍԱՐԴՈՒԹԵԱՆ …ԵՒ ԵՐԻՏԱՍԱՐԴԱՑՄԱՆ ՀԻՄՆԱՀԱՐՑԸ

0 0
Read Time:1 Minute, 49 Second

nn

ՀԱՅՐԵՆԻՔ

խմբագրական

Սեպտեմբեր 3, 2015

«Շատ ժամանակ կ՛առնէ երիտասարդ ըլլալը»
«It takes a very long time to become young»

Փապլօ Փիքասօ

Սեպտեմբերեան առաջին շաբաթավերջը, ամերիկահայուն համար «Աշխատաւորներու Օր»ուան հետ զուգադիպող, պարզ ու մեկին երկար շաբաթավերջ մը չէ միայն, այլ այդ երիտասարդականներու Ողիմպիականի շաբաթավերջն է, նոյնքա՜ն երկար եւ նոյնքա՜ն սպասուած:
Հիւսիսային Ամերիկայի զանազան շրջաններէ ժամանած հայորդին, երիտասարդ թէ ալեհեր կը հաւաքուի եւ կը նշէ իր իւրայատուկ «Նաւասարդեան» խաղերը:
Միայն խաղ ու մրցում չէ որ կը կատարուի, այլ նաեւ հաւաքներ ու ձեռնարկներ, ուր երբեմնի երիտասարդներ կը ժամանեն իրենց զաւակներով եւ թոռնիկներով: Այսպէս գերդաստաններ կը ժամադրուին եւ կը փորձեն անցնել անմոռանալի օրեր:
Դիւցազնական հերոս Գարեգին Նժդեհի ժրաջան աշխատանքի արդիւնք, Պոսթընէն եւ մօտակայ արուարձաններէն (Չելսի, Լինն, Ուայթինզվիլ, Ուաթըրթաուն) մինչեւ Ամերիկահայութեան առաջին կեդրոններէն՝ Ուսթըրէն հաւաքուած երիտասարդներ 1933-ին, «Հայրենիք»ի երդիքէն ներս հիմնեցին Հայ Երիտասարդաց Դաշնակցութիւնը, որ իր մօտ հաւաքելով եւ լաւապէս թրծելով երիտասարդ հայորդիներ, ցայսօր կը պատրաստէ ապագայի սերունդը: Առաջին օրերէն իսկ, այս Ողիմպիականներուն ազդանշանը տրուեցաւ, մեծ հետաքրքրութիւն ստեղծելով:
Այս տարուայ ժամադրավայրը` Հայ Երիտասարդաց Դաշնակցութեան ծննդավայր՝ Պոսթընի մօտակայքը գտնուող Փրովիտենս (Րոտ Այլընտ) է, որ պիտի հանդիսանայ ժամադրավայրը զանազան սերունդներու:
Սակայն հոս տեղին է յայտնել թէ այս հաւաքէն, մրցումներէն ու կերուխումէն աւելի կարեւոր հրամայականի առջեւ կը գտնուի երիտասարդութիւնը, որ միայն ի՛նք կրնայ տէր կանգնիլ այս կացութեան:
Ապրելաձեւն ու ճեպընթացային արագութեամբ ընթացող կեանքը այնպիսի փոփոխութիւններէ անցած է, որուն հետ միայն երիտասարդն ու երիտասարդութիւնն են որոնք կրնան քայլ պահել:
Ամէնադոյզն տատամսումն ու թերացումը, կրնան իրենց ժխտական ազդեցութիւնը ունենալ ազգային կեանքին վրայ:
Ընկերային ցանց կոչուած կառոյցը կուլ տուած է ոչ թէ՛ միայն ընտանեկան աւանդական դրութիւններ, այլ ժողովուրդներ ու երկիրներ:
Այս գծով է որ երիտասարդ հայորդին ԳՈՐԾ ունի կատարելիք, յաչս ազգային պատկանելիութեան, ընկերային եւ քաղաքական արդար պայմաններու պահպանման:
Ստեղծուած սահմաններ եւ լաւապէս թրծուած հայորդիին համար գոյութիւն ունեցող «կարմիր գիծ»եր, երբե՛ք պէտք չէ վտանգուին: Գէթ, որքա՜ն օրերը կը թաւալին, այդքա՜ն այդ սահմանները կը նկատուին անգործածական եւ աննկատ
Հայ Երիտասարդ Դաշնակցականը այս գծով լաւապէս դաստիրակուած եւ ուխտ է կատարած:
Հայոց Ցեղասպանութեան հարիւրամեակին հետ զուգադիպող այս Ողիմպիականը, առիթ մըն է ՀԱՅ ԵՐԻՏԱՍԱՐԴԱԿԱՆին ենթագիտակցելու թէ ան քաջատեղեակ է հիմնահարցին…Երիտասարադութեան եւ երիտասարդացման հիմնահարցին եւ ըստ այնմ գործ ունի կատարելիք որ ժամանակ կը խլէ եւ այդ ալ որքա՜ն: Սպանացի հանրածանօթ գեղանկարիչ Փապլօ Փիքասոյին հաստատումը շատ տեղին է:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles