Երիտասարդական Հարթակ.- Մայիս 28-ի  104-ամեակի Առթիւ

0 0
Read Time:1 Minute, 44 Second

Ալեքս Մանուկեան

Ուաշինկթըն

104 տարիներ առաջ, մեր ղեկավարները կերտեցին ազատ ու անկախ Հայաստան՝ պայքարելով զանազան դժուարութիւններու դէմ: Անոնք պայքարեցան արտաքին եւ ներքին թշնամիներու դէմ: Արտաքինը թուրքն էր, իսկ ներքինը՝ դժբախտաբար՝ hայ դաւաճանները:

Անոնք դիմագրաւեցին զանազան դժուարութիւններ, սակայն յաղթահարեցին աննկուն կամքով: Մեր ղեկավարները պայքարեցան մինչեւ վերջ, լաւ գիտակցելով որ կենաց եւ մահու խնդիր էր, գոյատեւման խնդիր էր: Թրքացման կամ հայ մնալու պայքար էր:

Որոշումը շատ յստակ էր:

Մնալ հայ ու միայն հայ:

Կերտել հայրենիք, ուր ապագայ սերունդները առիթ պիտի ունենան ազատ, անկախ ու հայօրէն ապրելու:

Մայիս 28, 1918 թուականը մեր ժողովուրդի պատմութեան մէջ պատերազմի մը թուականը չէ: Ան մնայուն պատգամ է հայրենիքի ազատութեան եւ մարտահրաւէր՝ մեր ժողովուրդի բոլոր զաւակներուն: Սակայն Մայիս 28-ով սկսած մեր ժողովուրդի պայքարը այժմ վտանգի տակ է: Մայիս 28-ով կերտուած մեր հայրենիքը, այսօր եւս ներքին ու արտաքին թշնամին կը փորձէ խլել մեզմէ: Այսօրուան թրքամէտ իշխանութիւնը գրաւած է հայաստանի կառավարական շէնքերը եւ անընդհատ պայմանագրեր կը ստորագրէ թուրք եւ ազերի թշնամիներուն հետ:

Բայց վստահ ենք որ «Դիմադրութիւն» շարժումը պիտի յաղթահարէ այս կացութիւնը, ինչպէս յաղթահարեցինք 1918-ին: Մայիս 28-ի հաւատքով ու տեսիլքով պէտք է շարունակենք մեր պայքարը:

Այս պայքարին մէջ աննշան չէ հայ երիտասարդին դերը: Ան անմասն պէտք չէ՛ մնայ: Հայ երիտասարդը 104 տարիներ առաջ ականատես եղաւ գոյամարտերուն եւ իր մասնակցութիւնը բերաւ յաղթանակներուն, հայ երիտասարդը այսօր նաեւ ականատես է Արցախի դէմ գործուած բռնարարքներուն եւ այս անգամ եւս իր մասնակցութիւնը կը բերէ իր ժողովուրդին ապահովութեան ի խնդիր:

Ինչպէս դար մը առաջ նոյնպէս այսօր, դիմարութեան պայքարը՝ մահ կամ ազատութեան խնդիր է,  գոյատեւման խնդիր է, թրքացման կամ հայ մնալու պայքար է: Ա՛լ դանակը հասած է ոտկորին: Այլընտրանք չկայ: Կա՛մ

կը պայքարինք մեր նախնիներուն կերտած հայրենիքը պահպանելու կամ կը դառնանք անտարբեր, անյոյս եւ անհայրենիք:

Պատահական չէ որ «Դիմադրութիւն» շարժման կարգախօսը «Զարթի’ր Լաօ»-ն է: Յստակ է որ մեր ժողովուրդէն մեծ մաս մը չորս տարիէ խաբուած վիճակի մէջ է եւ Արցախեան պատերազմէն ետք անջատուած կը զգայ: Բայց ժամը հասած է զարթնելու եւ պայքարելու մինչեւ, որ հայ ազգը ազատի ներկայ դաւաճան իշխանութենէն: Պէտք է պայքարիլ մինչեւ Արցախի ամբողջական ազատագրումը եւ ազատ, անկախ ու միացեալ Հայաստանի կերտումը։

Առանց թուրքի Հայաստան մը,

Առանց դաւաճաններու Հայաստան մը,

Առանց Նիկոլ Հայաստան մը:

Happy
Happy
100 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles