ԵՐԵՒԱՆ ԱՅՑԵԼՈՒԹԵԱՆ ԸՆԹԱՑՔԻՆ .- ՖՐԱՆՍԱՅԻ ՆԱԽԱԳԱՀ ՀՈԼԱՆՏ ԿԸ ՇԵՇՏԷ ԹԷ ՊԷՏՔ Է ԳՈՐԾԱԿՑԻԼ ԵՒՐՈՄԻՈՒԹԵԱՆ ՀԵՏ

ԵՐԵՒԱՆ. Երկուշաբթի, Մայիս 12ին, Հայաստան երկօրեայ այցելութիւն մը կատարեց, Ֆրանսայի նախագահ Ֆրանսուա Հոլանտը, որ նաեւ այցելած էր Վրաստան եւ Ատրպէյճան: Անդրադառնալով հայֆրանսական տնտեսական յարաբերութիւններու զարգացման՝ նախագահ Հոլանտ նկատել տուաւ, որ Ֆրանսայի մէջ կÿապրին հինգ հարիւր հազար հայեր, բայց երկու երկիրներուն տնտեսական արդիւնքները սերտելէ ետք պարզ կը դառնայ, որ իրագործելիքներ կան այդ ուղղութեամբ եւ պէտք է նախ Ֆրանսայի գործարար հանրութեան ծանօթացնել հայաստանեան շուկան: Հայֆրանսական տնտեսական համագումարի մասնակիցներուն կարելիութիւն տրուեցաւ հարցումներ ուղղելու նախագահներուն: Այս համագումարին կը մասնակցէին տասնեակ մը գործարարներ Ֆրանսայէն, եւ անոնցմէ մէկը Հայաստանի նախագահ Սերժ Սարգսեանին հարցուց, թէ ի՞նչ կը սպասէ ներդրողներուն Մաքսային միութեան Հայաստանի անդամակցութենէն ետք: Նախագահ Սերժ Սարգսեան խոստացաւ, որ Մաքսային միութիւնը աւելի գրաւիչ պիտի դարձնէ Հայաստանը: ``Մաքսային միութեան հաւանական անդամակցութիւնը, կը կարծեմ, Հայաստանի տնտեսութիւնը եւ իբրեւ ներդրումային միջավայր Հայաստանը աւելի գրաւիչ կը դարձնէ: Մենք շատ լաւ կը հասկնանք, որ Հայաստանի գրաւչութիւնը կրնայ բարձրանալ, եթէ մենք յաջողինք շուկայի սահմանափակումները վերացնել, ու նաեւ մեծ շուկաներէն կտրուածութեան վերջը տալ: Մաքսային միութեան անդամակցութիւնը ճիշդ այսպիսի խնդիրներ կը լուծէ``, յայտնեց նախագահ Սարգսեան: Նաեւ, ըստ նախագահ Սարգսեանի Մաքսային միութեան Հայաստանի անդամակցութիւնը կարելիութիւն կու տայ ուժանիւթ ներմուծելու մրցունակ գիներով՝ 30 տոկոս զեղչով, ինչ որ եւս մեծ խթան է տնտեսութիւնը զարգացնելու համար: Նախագահ Սարգսեան հերքեց այն լուրերը, թէ Մաքսային միութեան անդամակցութիւնը կրնայ խոչընդոտել ներդրումները, որոշ ապրանքատեսակներու սղութեան պատճառով. ``Հիմնական հումքերի եւ ապրանքատեսակներու մասով մենք արդէն բանակցային հոլովոյթին մէջ ունինք համաձայնութիւններ, երկրորդ՝ Հայաստանի կառավարութիւնը ունի գործիքներ, որոնցմով կը խրախուսէ տուեալ ներդրողին, եթէ ժամանակի ընթացքին ըլլան որոշակի փոփոխութիւններ, կապուած հումքի ներմուծման հետ: Կÿուզեմ ըսել, որ այստեղ շատ հանգիստ կարելի է ըլլալ``, ըսաւ ան: Խօսելով Հայաստանի եւ Ֆրանսայի տնտեսական յարաբերութիւններուն մասին՝ նախագահ Ֆրանսուա Հոլանտ չշրջանցեց Հայաստանի՝ Եւրոպական Միութեան հետ յարաբերութիւններու եւ Մաքսային միութեան անդամակցելու հարցը: ``Մենք պէտք է գտնենք Հայաստանի՝ Եւրոպական Միութեան հետ ընկերակցելու այնպիսի ձեւ մը, որ չի հակասեր Հայաստանի Մաքսային միութեան անդամակցելուն: …Հայաստանի համար պէտք է գտնել Եւրոպական Միութեան հետ ընկերակցելու այնպիսի ձեւ մը, որ չի հակասեր Մաքսային միութեան անդամակցելուն: Ես կը կարծեմ, որ կարելի է գտնել խելացի ձեւ: Մենք չենք ստիպեր Հայաստանին, որ այնպիսի ընտրութիւն կատարէ, որ կը հակասէ իր շահերուն, այդ մասին ես խօսած եմ Սերժ Սարգսեանի հետ Ֆրանսա կատարած այցելութեան ընթացքին: Մենք կը ցանկանք աջակցիլ Հայաստանին թէ՛ քաղաքական, թէ՛ տնտեսական մարզերուն մէջ``, ըսաւ ան: Նախագահ Ֆրանսուա Հոլանտ ոգեւորիչ նկատեց այն հանգամանքը, որ նախագահ Սարգսեանի հետ այցելեց ֆրանսական ``Քարըֆուր`` մեծ գերվաճառատուներու ցանցի երեւանեան կեդրոնը՝ տեսնելու, թէ ինչպսի՞ ֆրանսական եւ հայկական ապրանքները կÿառաջարկուին յաճախորդներուն: Միւս կողմէ, Ֆրանսայի նախագահ Հոլանտ, նախքան Երեւան այցելութիւնը, Պաքուի մէջ հանդիպում ունեցաւ Ատրպէյճանի նախագահ Իլհամ Ալիեւի հետ: Հոլանտ՝ Ալիեւի հետ հանդիպումին ընթացքին յայտարարեց, որ Ֆրանսան իրմէ կախեալ ամէն բան պիտի ընէ Արցախեան տագնապի լուծման համար: ``Ես Ատրպէյճան կը գտնուիմ շրջանային այցելութեան մը ծիրին մէջ: Կը պատրաստուիմ մեկնելու նաեւ Հայաստան եւ Վրաստան``, ըսած էր ան՝ աւելցնելով, որ Արցախի մէջ իրավիճակը կը շարունակէ լարուած մնալ: Ալիեւի հետ հանդիպումը կայացաւ պատուիրակութեան անդամներու ընդլայնուած կազմով: Ֆրանսայի նախագահը համոզում յայտնեց, որ այս այցելութիւնը կարեւոր դեր պիտի խաղայ Ֆրանսայի եւ Ատրպէյճանի միջեւ յարաբերութիւններու զարգացման գործին մէջ: Ապա հանդիպումը շարունակուած է դռնփակ: Ըստ անոր, արձանագրուած են տասնեակ հազարաւոր զոհեր, նաեւ միջադէպեր արձանագրուած են վերջին շրջանին: ``Այդ պատճառով Ֆրանսան, իբրեւ ԵԱՀԿի Մինսքի խմբակի համանախագահ երկիր, պիտի ընէ կարելին գտնելու համար խաղաղ լուծում, որ Ատրպէյճանին եւ Հայաստանին թոյլ պիտի տայ տագնապը խաղաղ ճամբով լուծելու: Ես կը կարծեմ, որ ատիկա կը բխի երկու երկիրներու շահերէն``, եզրափակեց նախագահ Հոլանտ: Նշենք թէ, Երեւանի մէջ, նախագահներ Սարգսեան եւ Հոլանտ այցելեցին նաեւ Հայոց Ցեղասպանութեան զոհերու Ծիծեռնակաբերդի յուշահամալիր՝ յարգելու համար մէկուկէս միլիոն նահատակներու յիշատակը: Այս այցելութեան ծիրէն ներս, Հայաստանի եւ Ֆրանսայի նախագահները մասնակցեցան ֆրանսական Դիմադրութեան շարժման մարտիկ հերոս Միսաք Մանուշեանի անուան Երեւանի մէջ վերանուանուած Մաշտոցի պուրակի բացման արարողութեան: Նախագահները շնորհակալութիւն յայտնեցին ձեռնարկի կազմակերպիչներուն եւ երեւանցիներուն արարողութեան մասնակցելու եւ Միսաք Մանուշեանի յիշատակը յարգելու համար: ``Մանուշեան Ցեղասպանութեան վերապրողներէն է: Ֆրանսա գալով՝ ան փախած է սարսափելի ջարդերէն եւ ապրելով մեր երկրին մէջ, ան քանի մը տարի ետք զէնք վերցուց, պաշտպանեց մեր երկրին անկախութիւնը՝ առանց մոռնալու իր հայրենիքը``, իր ելոյթին մէջ նշեց Ֆրանսայի նախագահը: ``Մենք երբեք չենք մոռնար, որ ֆրանսահայերը ի՛նչ ըրին Ֆրանսայի վերակառուցման եւ մշակոյթի զարգացման համար, Հայաստանի եւ Ֆրանսայի ժողովուրդները նոյն արժէքները ունին: Ես շատ ուրախ եմ, որ կը մասնակցիմ պուրակը Մանուշեանի անունով անուանակոչելու արարողութեան``, ըսաւ ան:

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

ԵՐԵՒԱՆ ԱՅՑԵԼՈՒԹԵԱՆ ԸՆԹԱՑՔԻՆ .- ՖՐԱՆՍԱՅԻ ՆԱԽԱԳԱՀ ՀՈԼԱՆՏ ԿԸ ՇԵՇՏԷ ԹԷ ՊԷՏՔ Է ԳՈՐԾԱԿՑԻԼ ԵՒՐՈՄԻՈՒԹԵԱՆ ՀԵՏ

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

This story is FREE for you...

Leave a Reply

Նմանատիպ Յօդուածներ

ԳԵՐՄԱՆԻՈՅ ՄԷՋ ԼՈՅՍ ՏԵՍԱՒ THE TALLIS SCHOLARS ՁԱՅՆԱՅԻՆ ՀԱՄՈՅԹԻ 2017 ԹՈՒԱԿԱՆԻ ՎԵՆԵՏԻԿԵԱՆ ԲԱՑԱՌԻԿ ՀԱՄԵՐԳԻ ՆԿԱՐԱՀԱՆՈՒՄԻ ԵՒ ՁԱՅՆԱԳՐՈՒԹԵԱՆ ԶՈՅԳ ԽՏԱՍԱԼԻԿՆԵՐՈՒ ԱՐԿՂԻԿԸ

Մահացած է Ճարտարապետ Եւ Պատմական Ժառանգութեան Պահպանութեան Նուիրեալ Վարուժան Առաքելեանը

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է