Երեւանի Մէջ.- Լոյս Տեսաւ Թուրք Պատմաբան Թանէր Աքչամի` Հայերու Բռնի Իսլամացման Վերաբերեալ Գիրքը

0 0
Read Time:37 Second

akcam

ԵՐԵՒԱՆ.- Վերջերս լոյս տեսաւ յայտնի թուրք պատմաբան Թանէր Աքչամի` հայերու բռնի իսլամացման վերաբերեալ գիրքը, որ բաղկացած է երեք մասերէ:
Առաջին բաժնին մէջ, հեղինակը կը խօսի Թուրքիոյ Հայոց Ցեղասպանութեան հարցով անաչառ կերպով զբաղուելու անհնարինութեան, այդ գործի առնչութեամբ, իր կրած դժուարութիւններու եւ պետութեան կողմէն իր դէմ կազմակերպուած հալածանքներուն մասին:
Երկրորդ բաժնին մէջ, կը ներկայացուի Առաջին համաշխարհային պատերազմի ժամանակ Օսմանեան բանակէն ներս ծառայած հայազգի սպայ Սարգիս Թորոսեանի յուշերու` թրքերէն հրատարակութեան շուրջ ծաւալուած խտրական ու կողմնակալ քննարկումներու պատմութիւնը, որու ընթացքին, Աքչամի նկատմամբ դարձեալ կատարուած են զրպարտութիւններ, անհիմն մեղադրանքներ եւ հալածանքներ:
Երրորդ բաժնին մէջ հեղինակը փաստերով կը ներկայացնէ հայերու բռնի իսլամացման քաղաքականութիւնը 1915-1918 թուականներուն:
Գիրքը թարգմանուած եւ հրատարակուած է Արեւմտահայոց հարցերու ուսումնասիրութեան կեդրոնի հովանաւորութեամբ: Թրքերէնէ հայերէնի թարգմանած է Մելինէ Անումեանը, իսկ պատասխանատու խմբագիրն է Հայկազուն Ալվրցեանը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles