ԵՐԱԺՇՏԱԿԱՆ.-  ԿՈՄԻՏԱՍ ՎԱՐԴԱՊԵՏ՝ ՀԱՅ ԱԶԳԱՅԻՆ-ԴԱՍԱԿԱՆ ԵՐԱԺՇՏՈՒԹԵԱՆ ՀԻՄՆԱԴԻՐԸ

0 0
Read Time:1 Minute, 40 Second

p13 gomidas
ԱՐՍԷՆ ՍԱՅԵԱՆ

Եզրափակելով մեր ակնարկը Կոմիտաս Վարդապետի կեանքին ու գործունէութեան մասին, կը նկատենք որ Կոմիտասի համերգ-դասախօսութիւնները, որոնց ընթացքին ան հանդէս է եկած որպէս դասախօս, մեներգիչ, խմբավար եւ դաշնամուրային ընկերակցող, շատ կարեւոր դեր ունեցած են հայ երաժշտութեան բարձր արժանիքները վեր հանելու եւ ցուցադրելու համար։
Այդ համերգներու ընթացքին է որ յատուկ կերպով դրսեւորուած է Կոմիտասի բազմակողմանի տաղանդը եւ ունկնդիրներու վրայ թողած անջնջելի տպաւորութիւն։ Այսպիսով, Կոմիտաս որպէս երաժշտական գործիչ իր բազմաբովանդակ գործունէութեամբ կարողացաւ մեծ քայլերով առաջ մղել հայկական երաժշտական ստեղծագործութիւնը, երաժշտութիւնը եւ երգային կատարողական արուեստը։
Իբր հիմք ունենալով հայկական ժողովրդական երաժշտութիւնը եւ օգտագործելով համաշխարհային երաժշտական մշակոյթի նուաճումները, յաջողեցաւ ստեղծել հայկական երաժշտական¬ազգային դպրոց եւ հայ երաժշտութիւնը ներկայացնել այլազգի հասարակութեան։ Այսպիսով, ան մեծապէս ծառայեց մեր երաժշտական մշակոյթին եւ գծեց անոր յետագայ զարգացման ուղին։ Կոմիտաս Վարդապետ իր ամբողջ էութեամբ իր գեղագիտական հայեացքներով իր ստեղծագործական ակզբունքներով ու բովանդակ գործունէութեամբ նուիրուեցաւ իր հարազատ ժողովուրդին եւ դարձաւ անոր ազգային¬երաժշտական մշակոյթի հիմնադիրը։ Կերտեց այնպիսի արուեստ, որն այսօր իսկ կը պահէ իր թարմութիւնն ու գեղեցկութիւնը, գեղարուեստական մեծ հաճոյք պատճառելով ժողովուրդին, ինչպէս նաեւ օգնելով ժամանակակից հայ երգահաններուն եւ երաժշտագէտներուն, զարգացնելու՝ երաժշտական նոր ստեղծագործութիւններ։
Հարազատ է Կոմիտասը ամէն հայու եւ հասկնալի՝ օտարին։ Առանց յուզումի կարելի չէ Կոմիտասեան երաժշտութիւն լսել, կամ՝ խօսիլ Կոմիտասի մասին։ Ահա, թէ ինչու սոյն ակնարկաշարով պատշաճ համարեցինք, Հայոց Ցեղասպանութեան 100-ամեակի այս օրերուն, վերստին անդրադառնալ Ցեղասպանութեան զոհ դարձած, մեծ արուեստագէտի կեանքին ու գործին, մեր երախտագիտական զգացումին հետ, վառ պահելու համար անոր յիշատակն ու ընթանալու՝ Կոմիտասեան երգի ուղիով։
Աւարտելէ առաջ, խօսքը տանք ժողովրդական մեծ գրող Աւետիք Իսահակեանին։
,… Սիրելի՛ Կոմիտաս, այսօր եւ միշտ դու մեզ հետ ես քո շքեղ երգերով, քո բարձր արուեստով, պատմական սխրալի գործով։ Դու անմահ ես ինչքան ժամանակ, հայ ժողովուրդը կþապրի, կþապրի եւ քո երգը։ Բայց դու յոգնել ես շատ, սիրելի՛ Կոմիտաս, թանկագին եղբայր Սողոմոն, տառապել ես շատ, զարհուրանքներ ես կրել, վայրագ թշնամու սուրն ես տեսել, հանգստացիր հիմա, մայրենի հարազատ հողի գրկումն ես հիմա։ Քո սիրած Արարատեան դաշտի բուրումնալից երգը ծաւալւում քու շուրջը,քո երգերը ծփում են քո վրայ, քո երգերի հետ ծփում են աշխատանքի եւ ազատութեան նո՛ր յաղթական կորովի երգեր … հանգչիր խաղաղ, սիրելի՛, սիրելի՛ Կոմիտաս, նուիրակա՛ն Կոմիտաս…»։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles