«Ես Եմ, Ես Կա՛մ». 44-Օրեայ Պատերազմի Նահատակներու Ստեղծագործութիւններու Ցուցահանդէս Եւ Գիրքի Շնորհահանդէս

0 0
Read Time:56 Second

Համազգային Հայ կրթական եւ մշակութային միութեան Երեւանի գրասենեակին նախաձեռնութեամբ, Յունիս 7-ին Հայաստանի նկարիչներու միութեան սրահին մէջ տեղի ունեցաւ Արցախեան 44-օրեայ պատերազմին նահատակուած գեղանկարիչ եւ քանդակագործ հերոսներու ստեղծագործութիւններու ցուցահանդէսը, ինչպէս նաեւ նոյն ստեղծագործութիւնները ներկայացնող, «Ես եմ, ես կա՛մ» խորագիրով պատկերագիրքի շնորհահանդէսը:

Ցուցահանդէսին բացման խօսքով հանդէս եկաւ Հայաստանի նկարիչներու միութեան նախագահ Սուրէն Սաֆարեան:

Ներկաներուն ուղղուած իր սրտի խօսքը արտասանեց Համազգայինի Երեւանի գրասենեակի տնօրէն Ռուզան Առաքելեան, որ անձամբ ստանձնած է տղոց անուններու փնտռտուքը` կապ հաստատելով Հայաստանի տարբեր ուսումնական հաստատութիւններու, հերոսներու հարազատներուն հետ` հաւաքագրելով ստեղծագործական աշխատանքները: Ռ. Առաքելեան իր խօսքին մէջ շեշտեց գործի անմահութեան գաղափարը եւ յայտնեց, որ 25 հերոս ՏՂԱՔԸ միշտ կան, կ’ապրին մեր սրտերուն մէջ, ուստի պատահական չէ նախաձեռնութեան խորագիրը` «Ես եմ, ես կա՛մ»:

Օրհնութեան ու զգաստութեան խօսք ուղղեց Տաւուշի թեմի առաջնորդ Բագրատ սրբազանը, որուն խօսքը ներկաներուն համար հնչեց իբրեւ պատգամ` արժանապատուօրէն շարունակելու ու աւարտելու յանուն հայրենիքի նահատակուած հայորդիներուն գործը:

Ելոյթով հանդէս եկան նաեւ Համազգային Հայ կրթական եւ մշակութային հիմնադրամի նախագահ, գրող Սպարտակ Ղարաբաղցեան, Հայաստանի գեղարուեստի ակադեմիայի նախագահ Արամ Իսաբեկեան, Փ. Թերլեմեզեանի անուան գեղարուեստի պետական ուսումնարանի տնօրէն Աննա Մնացականեան, անմահացած հերոսի` Խորէն Հաճաթեանի մայրը:

Նախաձեռնութեան ընթացքին հնչեցին ազգային-հայրենասիրական կատարումներ:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles