Եգիպտոսի Խորհրդարանէն Ներս Ներկայացուեցաւ Հայոց Ցեղասպանութիւնը Ճանչցող Բանաձեւ Մը

Read Time:1 Minute, 8 Second

A general view for the first Egyptian parliament session after the revolution that ousted former President Hosni Mubarak in Cairo, January 23, 2012. Egypt's parliament began its first session on Monday since an election put Islamists in charge of the assembly following the overthrow of Mubarak in February. REUTERS/Asmaa Waguih (EGYPT - Tags: POLITICS) — A general view for the first Egyptian parliament session after the revolution that ousted former President Hosni Mubarak in Cairo, January 23, 2012. Egypt’s parliament began its first session on Monday since an election put Islamists in charge of the assembly following the overthrow of Mubarak in February. REUTERS/Asmaa Waguih (EGYPT – Tags: POLITICS)

ԳԱՀԻՐԷ.- Եգիպտոսի խորհրդարանի մշակոյթի եւ տեղեկատուութեան յանձնախումբի անդամ Մուսթաֆա Պաքրի խորհրդարանին ներկայացուցած է բանաձեւ մը, որ խորհրդարանէն կը պահանջէ ճանչնալ Հայոց Ցեղասպանութիւնը, ինչպէս նաեւ Մ.Ա.Կ.-ի եւ այլ պետութեանց կոչ կ՛ուղղէ իրաւական անհրաժեշտ միջոցառումները որդեգրելու` միջազգային ընտանիքին կողմէ Ցեղասպանութեան ճանաչման համար:
Այս բանաձեւը ստորագրուած է 337 երեսփոխաններու կողմէ:
Պաքրի անհրաժեշտ նկատած է դատապարտումը հայերուն դէմ 1915էն 1922 կատարուած օսմանեան կոտորածներուն, որոնք խլեցին մէկուկէս միլիոն անմեղ քաղաքացիներու կեանք, նկատելով, որ այս ոճիրը անզէն ժողովուրդի մը դէմ Ցեղասպանութիւն է:
Պատգամաւոր Ֆայէզ Պարաքաթ յայտարարեց, թէ Հայոց Ցեղասպանութեան ճանաչման խորհրդարանական որոշման նախագիծի ստորագրութիւնները եգիպտական պետականութեան դէմ, թրքական իշխանութիւններու ներքին գործերուն միջամտելու հետեւողական փորձերուն հակադարձելու փորձ մըն են:
Հանրապետական ժողովուրդ կուսակցութեան Խորհրդարանական խմբակցութեան նախագահ պատգամաւոր Մոհամմէտ Սալահ Ապու Հըմելա իր աջակցութիւնը յայտնած է Հայոց Ցեղասպանութիւնը ճանչնալու Պաքրիի փաստաթուղթին, պարզելով, որ Թուրքիա էութեամբ գաղթատիրական պետութիւն մըն է, որ կատարած է բազմաթիւ ոճիրներ:
Խորհրդարանի անդամ Սիւզի Նաշետ յայտնեց թէ Հայոց Ցեղասպանութեան ճանաչումը խորհրդարանին կողմէ մեծապէս պիտի ազդէ միջազգային համայնքին առջեւ Թուրքիոյ դիրքին, հաւաստելով Թուրքիոյ ոճիրները այս ժողովուրդին հանդէպ: