Դոկտ. Նանօր Գարակէօզեան՝ Հայկազեան Համալսարանի Հայագիտական Ուսմանց Ամպիոնի Վարիչ

0 0
Read Time:42 Second

nanor

ՊԷՅՐՈՒԹ.- Յատուկ հաղորդագրութեամբ մը, Հայկազեան համալսարանը կը տեղեկացնէ թէ ուսման գերազանց մակարդակ նուաճելու յանձնառութեամբ եւ հայագիտութեան զարգացման սատարելու իր համալսարանական առաքելութեան ծիրին մէջ, տնօրէնութիւնը գոհունակութեամբ պաշտօնի կոչած է դոկտ. Նանօր Գարակէօզեանը, իբրեւ վարիչ համալսարանի Հայագիտական ամպիոնին, 2016-2017 կրթաշրջանէն սկսեալ:

Դոկտ. Գարակէօզեան շրջանաւարտ է Հայկազեան համալսարանի Առեւտրական վարչագիտութեան բաժինէն: Հանրային վարչագիտութեան իր մագիստրոսական վկայականը ստացած է Պէյրութի Ամերիկեան համալսարանէն, իսկ դոկտորականը պաշտպանած է Օքսֆորտի համալսարանի Միջազգային զարգացման բաժանմունքին մէջ, Յունուար 2016ին: Իր դոկտորական ատենախօսութիւնը ուսումնասիրած է յետխորհրդային ժամանակաշրջանին անհատ հայերու ներգաղթը Սփիւռքի կայացած, տարբեր գաղութներէն դէպի Հայաստանի Հանրապետութիւն:

Մագիստրական աւարտաճառի թեման եղած է Սփիւռքի նկատմամբ Հայաստանի Հանրապետութեան քաղաքականութեան մասին:

Դոկտ. Գարակէօզեանի գիտական հետաքրքրութիւններուն ծիրը կ՛ընդգրկէ Հայկական Սփիւռքը, հայրենիք–Սփիւռք փոխյարաբերութիւնները, սփիւռքագիտութիւնն ու գաղթի տարբեր հոլովոյթները, ընկերաբանութեան տեսութիւնները եւ անոնց կիրառումը՝ հայրենադարձութեան վրայ, ազգային ինքնութիւնն ու ազգայնականութիւնը, բռնագաղթի եւ գաղթականութեան ուսումնասիրութիւնը, ինչպէս նաեւ միջազգային զարգացումը՝ Միջին Արեւելքի եւ Հայաստանի Հանրապետութեան մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles