ԴԱՏԱԿԱՆ ԱՏԵԱՆԸ ՎԵՐՋ ԿՈՒ ՏԱՅ ՈՒԱՇԻՆԿԹԸՆԻ ՀԱՅԿԱԿԱՆ ՑԵՂԱՍՊԱՆՈՒԹԵԱՆ ԹԱՆԳԱՐԱՆԻ ՀԱՐՑԻՆ

0 0
Read Time:1 Minute, 6 Second

p7 kafesjian Museum2  ՈՒԱՇԻՆԿԹԸՆ.- Միացեալ Նահանգներու Դաշնակցային վերադաս ատեան մը, վերջ տուաւ Հայոց ցեղասպանութեան թանգարանի ծրագիրին շուրջ երկարատեւ դատական պայքարի մը։
Ուաշինկթընի շրջանի Միացեալ Նահանգներու վերադատ ատեանը 37 էջ որոշումի մը մէջ միաձայնութեամբ վերահաստատեց 2011-ին կայացած դատավճիռը, որ թանգարանի կառուցման համար նախատեսուած կալուածի սեփականութիւնը կու տայ Գաֆեսճեան հիմնարկին։
Երեք դատաւորներէ բաղկացած խումբին որոշումը մերժեց այս հարցով նոր դատավարութիւն մը կատարելու Ամերիկայի Հայկական Համագումարի դիմումը։ Ամէնէն յատկանշականը, սակայն այն էր, որ վերադատ ատեանը դժգոհութիւն յայտնեց թանգարանի կառուցման ծրագիրները ձգձգած երկարատեւ դատական հայցին նկատմամբ։
Դատաւոր Ռապըրթ Ուիլքինզ գրած է. “Աւելի քան 7 տարի եւ միլիոնաւոր տոլարներով դատական ծախսերէ ետք, առնչակից կողմերուն թանգարանի մը կառուցման երազի իրականացման համար աշխատանքի մեծամասնութիւնը ոչինչի համազօր դարձած է, ինչ որ ցաւալի է“։ Ան յոյս յայտնած է, որ արձակուած վճիռը այս հարցով վերջին խօսքը կ՚ըլլայ։
Հայոց Ցեղասպանութեան թանգարանի տնօրէն Հրայր Յովնանեան վճիռի արձակումէն ետք՝ յայտարարութիւն մը հրապարակելով յոյս յայտնեց, որ Գաֆեսճեանի ժառանգորդները կը յարգեն Ճերի Գաֆեսճեանի դատարաններուն կատարած այն խոստումը, թէ կալուածը պիտի օգտագործուի թանգարանի մը կառուցման համար։
Գաֆեսճեան ընտանիք հիմնարկի հիմնադիր Ճերըլտ Գաֆեսճեան Ամերիկայի Հայկական Համագումարի բարերարներէն էր։ Անոնք միասնաբար ծրագրեցին 1915-էն 1923 ժամանակահատուածը ներկայացնող թանգարանի եւ յուշակոթողի կառուցումը։ 2000 թուականին, Ամերիկայի Հայկական Համագումարն ու Գաֆէսճեան Հիմնարկը Ուաշինկթըն քաղաքի կեդրոնին մէջ գնեցին Ուաշինկթընի ազգային դրամատան չորս յարկանի շէնքը։ Գաֆեսճեանի եւ Ամերիկայի հայկական համագումարի յարաբերութիւնները հետագային վատթարացան, ինչ որ կալուածի վերահսկողութեան շուրջ երկարատեւ դատական պայքարներու դուռ բացաւ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles