ԴԱՇՆԱԿԱՀԱՐ ՏԻԳՐԱՆ ՀԱՄԱՍԵԱՆ ԿԸ ՆԵՐԿԱՅԱՑՆէ ԻՐ ՆՈՐ ԽՏԱՍԱԼԻԿԸ

0 0
Read Time:2 Minute, 16 Second

p13 tigran-hamasyan  Հոկտեմբեր 30-էն ի վեր հրապարակի վրայ է երիտասարդ դաշնակահար Տիգրան Համասեանի “The Poet“ (“Բանաստեղծը“) խտասալիկը, որ կը ներկայացնէ նոյնինքն արուեստագէտը, Հիւսիսային Ամերիկայի զանազան քաղաքներու մէջ: Քէպէքի (Գանատա) մէջ սկսած այս համոյթները պիտի շարունակուեցան Սան Ֆրանսիսքոյի եւ Փորթլընտի մէջ: Այս շաբաթավերջին, Տիգրան պիտի նուագէ Գալիֆորնիոյ (Սան Տիեկօ, Սանթա Պարպարա եւ Լոս Անճելըս) եւ ապա, Հինգշաբթի, Նոյեմբեր 14-ին, ան ելոյթ պիտի ունենայ Պոս­թը­նի Քէյմպ­րիճ թա­ղա­մա­սի հանրածանօթ “Ռե­կա­թա­պար“ (“Չարլզ“ պան­դոկ, տեսնել որմազդ-ծանուցումը) սրա­հին մէջ:

Այս խտասալիկին յատկութիւններէն մէկը այն է թէ, ան միեւնոյն ժամանակ կ՛երգէ, այդ ալ հայերէնով:

Ապա, ան պիտի մեկնի եւրոպա, ուր ելոյթներ պիտի ունենայ Բրիտանիոյ, Պելճիքայի, Սպանիոյ, Ֆրանսայի, Նորվեկիոյ եւ այլ քաղաքներու մէջ: Յատկապէս Ֆրանսայի մէջ, Համասեան մէկ հռչակ կը սփռէ: Իր նախավերջին խտա­սա­լի­կին` “Fable“ (“Առակ“) նման, հայկական երանգներ կը ներկայացնէ Համասեանը, յատ­կա­պէս ներշնչ­ուած Կո­մի­տա­սէն:

2006 թուա­կա­նին, Հա­մաս­եան առա­ջին հան­դի­սա­ցած էր, հռչա­կա­ւոր “Թի­ո­լո­նիուս Մոնք“ի (Ուա­շինկ­թըն) դաշ­նա­կի մրցան­քին: Մի­եւ­նոյն տա­րին, ան նա­եւ երկ­րորդ հան­դի­սա­ցած էր “Մարս­ի­ալ Սօ­լալ“ մրցան­քին: Նախ­քան այս յա­ջո­ղու­թիւն­նե­րը, ան տա­րի մը առաջ, Մոսկ­ուա­յի եւ Մո­նա­քո­յի մէջ մաս­նակ­ցած էր մրցանք­նե­րու եւ յա­ջոր­դա­բար եր­րորդ եւ առա­ջին հան­դի­սա­ցած էր: Տիգրան Համասեանի անդրանիկ խտա­սա­լի­կը` “ World Passion“, տուտու­կա­հար Ռու­բէն Յա­րու­թիւն­եա­նի, բամբ ջու­թա­կա­հար Ֆրանս­ուա Մու­թէ­նի, թմբկա­հար Արի Հէ­օ­նի­կի եւ փո­ղա­հար Պէն Ուէն­տը­լի հետ պատրաստուած է: Իսկ “New Era“ խտասալիկին մէջ, ան տաս վայրկեանէ աւելի կը ներկայացնէ չազ կշռոյթով “Ապառանի Պար“ը:

Հա­մաս­եան ծնած է Հայաստանի երկրորդ մեծագոյն քաղաքին` Գիւմ­րիի մէջ, երկ­րա­շար­ժէն տա­րի մը առաջ` 1987-ին: Հա­զիւ եր­կու տա­րե­կան, ան յա­տուկ սէր ու­նե­ցած է երաժշ­տու­թեան հան­դէպ: Փոքր տարիքէն Միացեալ Նահանգներ հաստատուած, ան երբեք չէ մոռցած իր հայրենիքը, ուր շարունակ հետեւողական դրութեամբ կ՛այցելէ եւ համոյթներ կը կատարէ: Հետեւաբար, ան բազմիցս նուագած է Երե­ւա­նի եւ Ստե­փա­նա­կեր­տի մէջ: Հայաստանի անկախութեան քսանամեակի սեմին, բերնէ բերան լեցուն սրահներու մէջ, ելոյթ ունեցաւ:P13 visuel1

Հազիւ երկու-երեք գարուններ բոլորած, ան դաշ­նա­կին կող­քին նստած  կը նուագէր կտորներ` արդի ռոք երաժշտական խումբերէն: Հըրպի Հենքոքի եւ Չիք Քորէայի նման դաշնակահարներ ակնածանքով կ՛արտայայտուին հայ երաժշտութեան “Մեծն Տիգրան“ի մասին:

Հիւսիսային Ամերիկայի համոյթներուն, ան իր կողքին պիտի ունենայ բամբ ջութակահար (double bass) Քրիս Թորտինին եւ զուիցերիացի թմբկահար Արթուր Հնաթէքը:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Հ.Յ.Դ.-Ի ԱՌԱՋԱՐԿԱԾ “ՄԵՆՔ ԱՊՐԵԼՈՒ ԵՆՔ ՄԵՐ ՏԱՆԸ“ ԾՐԱԳԻՐ
Next post “ՀԱՄԱԶԳԱՅԻՆ”Ի ՆԵՐԿԱՅԱՑՈՒՑԻՉՆԵՐՈՒ ՊԱՇՏՕՆԱԿԱՆ ԱՅՑԵԼՈՒԹԻՒՆՆԵՐԸ ՆԻՒ ԵՈՐՔԻ ՄԷՋ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles