0
0
ԳՈՀԱՐ Սիմֆոնիք Նուագախումբի եւ Երգչախումբի հարաւ-ամերիկեան համերգներէն գոյացած հասոյթէն մօտաւորապէս 150,000 տոլար կը յատկացնէ տեղւոյն մէջ գործող հայկական զանազան վարժարաններու, մշակութային եւ հասարակական ծրագիրներու, ուսուցիչներու եւ անհատներու, որոնք մշակոյթ եւ երգ-երաժշտութիւն ջամբած են տարիներ շարունակ:
ԳՈՀԱՐ, անսալով իր տարիներու սկզբունքին եւ հաւատալով, որ հայութիւնը պիտի շարունակէ գոյատեւել իր մշակոյթով, անգամ մը եւս իր համերգներէն գոյացած ընդհանուր գումարը նուիրեց Հայ ինքնութեան պահպանման եւ գոյատեւման ճիգերուն:
ԳՈՀԱՐ, անդրադառնալով նաեւ Սուրիոյ մէջ տիրող ճգնաժամին, այս տօնական օրերուն, հարաւ-ամերիկեան համերգային շրջագայութենէն զգալի գումար մը` 50,000 տոլար կը նուիրէ սուրիահայ կարիքաւոր ընտանիքներու, որպէսզի շարունակեն իրենց տարիներու հայապահպանման երթը այս տագնապալի օրերուն:
ԳՈՀԱՐ կը շարունակէ իր նուիրաբերումը Հայ ազգային արժէքներու պահպանումին:
